2014年1月31日 星期五

為什麼沒辦法簡單的去笑

忽發其想,有時覺得好可笑
其實我們覺得真性情的人可愛,真性情夠直,但係覺得乜都講,太大膽。
於是我近半年決定左講乜都保守啲,虛偽。
原來圈子內就係buy呢種,直接得黎原來係要有點內斂得黎又有番直接先為之「好」!
其實我真係想講幾個字「世界劇團」。
你們說,你們喜歡我,其實這只是在演劇場的我。
同時地,好多野原來學會同時騙了自己,令我覺得很多野已不重要了。





2014年1月27日 星期一

你最喜愛的,一首歌。

今日岩岩突然想起一首歌,好耐沒聽過,因為一首歌「引起的想法」已經過去,又或impact已沒記得。
世界觀的「披星戴月」又再奏起,又讓我重燃那些想法。啊••••〜
才記起這是我當年「最喜愛的」一首歌,那一年做到最喜愛的,其實全都有原因的。有時你問我點解有些事發生在哪一年我會那麼清楚,「感謝永遠有歌把心境道破」。

2013 - 許廷鏗 - 青春頌
2012 - 陳奕迅 - 重口味(呢首算最無原因了)
2011 - 謝安琪 - 你們的幸福
2010 - 王菀之 - 迷失藝術
2009 - 張敬軒 - 披星戴月
2008 - 方大同 - Love Song
2007 - 何韻詩 - 木紋
2006 - 何韻詩 - 光明會
2005 - 何韻詩 - 化蝶


2014年1月21日 星期二

夜裡

番到黎其實好難得係無咩聲音,
呢度周圍都好嘈。
特別係我住呢度。
所以好鐘意夜晚訓。
因為夜晚先有少少時間係無聲音,雖然都是同一屋頂下,但有一份自由的感覺。如果唔係驚嘈醒屋企人我都可靠仲會出街行兩個圈,好好享受下個冬天的涼爽天氣,雖不是靜極但尚有點個人空間的街上。

放左假三個月,其實講真我話唔擔心,無唸過野係呃尻人既。話哂都廿五歲,我屌過多兩個月都26歲,黎緊做既野都係時候有點改變時不可以以前咁hea。

特別有時見到有些本是同根生的朋友/同學都已經在跑道上遠處,雖未不至尾燈都唔見,也叫做差好多個車位。當然人的成功和價值也不只是用揸咩車來取決,但我都有點著重呢樣野架。
到底未來我又係想做咩呢?滿腦好多想法,到底我又行唔行得到呢?

有時我唸好多野,真係乜狗都會唸,但我又岩岩發現,原來我少左唸既係同自己傾下,問下自己。你可能覺得好贛尻。
我同自己傾左一陣,原來好多野我自己都係明,只係有時懶,有時自欺欺人,現實的野不想面對。又有些負面/不值得去介意/擔心的野想得太多。值得:應該去focus的野卻失焦。其實有時太得閒都未必係好事,想太多無聊野,要改要改。

有時我又會唸下,呀,點解呢件事咁難解決?永遠都解決唔到咁既?係唔係天意的安排叫我去放棄先?定係係鍛鍊,希望我可以誇過而且可以拙壯成長?其實無一個固定答案。或者應該會咁唸,要被解決的時候答案自然會水落石出。

我試過兩次本來係成功的野,因為無堅持到底,最後咩都無,旗差一著。有時真係要唸唸呢方面。

今晚好雜,趁記得講講自己所想。







時光

曾經很掛念 遺憾當天總未相見
記得守過諾言 誰能料到時光中的變遷 殘酷到推翻發展

2014年1月17日 星期五

有些歌,關於我 (9)側田 - 硬仗

9 : 側田 - 硬仗
http://youtu.be/V8Y1osfQhSs

人生就是各種和樣的硬仗。
這首歌出的時候剛好有些不開心的事,恍如為我「打氣」。
再望回頭,其實我也不知是如何渡過,總之現在看回來也不值怎麼一提。
過去經歷告訴我們,雖然是難過,但怎麼樣也是會過去的,只要回望這些「功積」其實也明白,沒有什麼可怕,怎麼要放棄自己呢?
這些挑戰若是命裡安排,那麼也必定有他的原因。
我是很傻,有時也很感激這些各種各樣的硬仗,雖然會遇上這麼多的仆街,但沒有仆街又怎知什麼是好?


財富倒塌如骨牌 臨到絕境有血可賣
舊愛也許遭到唆擺 失蹤了 剩我在角落暗自強大
疾病想綁架我 未信我竟然捱得過
就算肉身痛楚 我贖回靈魂誰為我佇立而奏凱歌

有些歌,關於我(10)薛凱琪 - 週末畫報

10: 薛凱琪 - 週末畫報

本來不太明白意思。
原來是用精彩的周末畫報來形容對象。
有時可以很直白、有時可以很神化、抽象、難以明白。
最後,其實點都好最緊要都係同本畫報一樣,可以拿起,可以放低。
Idea是不錯但陳詠謙的詞,似乎還是欠了什麼的。好耐無聽過Fiona的快歌,感覺好清新!
MV我真係無得挑剔,靚到喊!

今年薛凱琪好努力,新歌「週末畫報」除可找到自己的跳脫可愛Style也可在「告別我」「諸葛亮」找到淡定成熟了不少的唱功。
唯一想她改改那些過份「紐」的音,好有個人風格,試過一上的士就聽到是她,但有時感覺過份作狀囉。
在「週末畫報」我聽到「他的好多麼的好都寫進護舒寶(了書簿)」;在「告別我」聽到「留下的 何潤東(樣多)」。真係聽到出血。

2014年1月9日 星期四

VEZEL 首輪成功

12月21才正式開賣,年底特別多價期情況下都入到12月暢銷型號第25位2,207部。



但都要睇多幾個月先知站不站得穩陣腳,話說前幾年Insight都係有頭威••••••
但應該係開正日本仔喜歡的Hybrid + SUV。
如果Vezel成功,就會係本田日本SUV近十年最賣的的SUV,
事關遠至HRV、Crossroad、Element、幾代CRV、MDX都是仆到直哂!

本田近兩年開始行運,美國銷量越來越好,豐田就算剛剛轉款都唔夠佢賣。

2012年日本內銷破左十幾年紀錄。
2013年又有小漲,剛過70萬部。
2014年本田揚言要有100萬,一百萬到底點黎?新車出得發時應該都得。大膽開定個估計先!我估佢得!


NBOX 216,000
NWGN 144,000
None 60,000
Life 5,000
Vamos 5,000

Fit 250,000
VEZEL 72,000
Odyssey 48,000
Freed 48,000
Stream FMC 42,000
Stepwgn 42,000
City Hybrid FMC 20,000
Accord 20,000
CRV 2,000
Insight 2,000
CRZ 1,000

977,000也很接近1,000,000 了。
如果我回紐西時不做車的工作我訂部NBOX又點話呢?



977,001 ! 加油!

有些歌,關於我(2/12)

你好啊,本來諗住舊年年底可以寫哂。
你知我幾懶架啦,哈哈哈。


謝安琪 - 最好的時刻
另外一首值得一提作為honorable mention的是謝安琪的「最好的時刻」
「最好的時刻」一句出自Charles Dickens雙城記,咩咩It was the worst of times, it was the best of times. 
(話說當年中學都有參加過朗誦)。

當危難來到
四週充斥苦痛哀號
希望亦來到
你挺身擊倒了恐怖

最壞的時刻,就正是把負面化作正面,努力去改變的時候。
有時好與壞竟可共存。
話說我前幾天想想2013年最好和壞的事,原來都時那件事。沒有遇上難題,人難免會安於現狀,原來苦難來到,你會更清楚自己的能力,最好的也因為最壞的。
遇上最壞的,才是一個改變的好時機。
(忽然變了耶撚)

話說,有時覺得可悲的是,我們現在活在這「最好的時刻」,太平盛世,卻沒有想過暗地裡其實是•••



也順帶一提,2011年尾同唱片公司不和,演唱會都無聲色下舉行,2012年人如其名謝哂皮。「最好的時刻」本來是2013年頭謝安琪加入新公司推出新廣東碟的頭炮。點知過咗幾個月,忽然又出隻國語碟。廣東碟未出得成之餘年底又不續約唱片公司。最後舊公司仲要借一借「最好的時刻」出隻精選碟抽抽水,賺下錢,順便又可揶揄佢以前先係「最好的時刻」。
謝安琪,等下等下又兩年,你幾時先肯正經出番隻廣東碟呢?

時移勢易



見到街上呢部港澳未曾有賣過行貨的Accord Euro R,十年八年前賣到一街都係。

當年真係一街都係水貨車,好多水貨車行,平得黎又多選擇,本田Mobilio、Fit 1,500cc比行貨更實用,有時行貨都有賣的型號,水貨還會更便宜。
Integra、Civic Type R等平民辣車也是常見的水貨。
09年日圓大幅升值後爵屎也要20萬,不如買Golf啦。

隨著近日日圓跌到7.3x,即係要番日版水貨車比高峰時又平番近30%,呢個價買日本車就合理番好多啦。
但隨著代理也慢慢識「入貨」對準會有人買的車入貨,如Freed這類小型七人車,其他不入的也沒有多少人會買水貨,不入也無防。

再看看現在有咩水貨車好買?跑得又睇得?本田陣營得番CRZ屬「跑車」路線,120PS識輕功都跑不動啦。馬力最大果部叫新款Odyssey,190PS。岩唔岩你飛丫?

現在見到行街的新款本田水貨車,叫做N-One (58ps) 同埋有Turbo的N-Box (64ps)。對以操控出名的本田來說,未免太•••

2013年本田日本賣得最多的車分別係
N-BOX - 234,994 (660cc)
FIT - 181,414 (1,300 & 1,500cc)
N-ONE - 107,583 (660cc)
Freed - 68,371 (1,500cc)
Stepwgn - 62,206 (2,000cc)

2001年係
Life - 188,958 (660cc)
Stream - 119,877 (1,700 & 2,000cc)
Stepwgn - 110,014 (2,000cc)
Fit - 104,298 (1,300cc)
Odyssey - 71,011 (2,300 & 3,000cc)

無辦法,現在的人只需要慳油和空間。
日本Box car賣到成行成市,downsizing也是事實。
難道背道而馳推出多幾部跑車咩?
就算同用platform共用引擎再加OEM都要蝕宣傳啦。

無辦法。