2013年8月18日 星期日

行錯路

一直都覺得每個人做每一樣野,
如無特別原因, 都會係根據佢本身習慣去做。
比如說我,比較缺乏安全感的,
我買野會買比較Safe的選擇,從來不會fancy 歐洲車因為我知好多野煩。
能力許可我會揀有七個氣袋,因為感覺安全啲。
唯一我不根據我本身"習慣"的會是我鐘意細車鐘意天幕,
這與本身的"安全"無疑是有衝突的。
這就是我講的"特別原因" - 鐘意咁無辦法架喎。

安全這回事,我試過揸車時突然想起,如果部車個brake失控點算。
我教我旁邊的朋友 -
如果真係部車停唔到又或者我突然暈撚低左,
你要幫我將個波棍落M同埋Downshift到一波, 將車速減到最低。
把門鎖同埋門都開哂,又盡量拉手制,如必要時試下息車,
但息左車會無哂風油軑steering 會變得好重,要小心不要在弩中做這事......etc.

早陣子媽媽坐我車,
她坐後座,我也要教她把headrest set高點, 不要太近C柱因為有curtain airbags....etc//
由此可見我係個乜都擔心的人。

我一遇到電話只有20%電時就會很不安,
因為可能我覺得自己係超人,覺得總會有好多人需要我。
同埋驚萬一有咩事都可以打電話求救。
這也是缺乏安全感的不安,擔心有什麼out of control。

這種性格得出來的是,
很怕走出原來已計畫好的軌跡。
不接受不受控於掌裡的新事。
又因為我本人本身缺乏耐性,我好多時都會選擇放棄。

又如我若走錯了路。

今天在公路出口, 平時我習慣的motorway offramp 被封了, 好像是他媽的什麼修路。
我就再在高速多走一個出口,出了去再上一次高速,在對面的出口出。
因為我怕麻煩,又要慢慢找我不熟悉的地帶。

我對走錯路的做法是,
不甘心,就把時間浪費了,但我也不想再花時間去從失敗中尋找另一條通向罹馬之大道。
我卻會放棄,因為怕越行越錯,走回頭路,寧可重新出發都不願再浪費時間。


呀....所以我個總結都係一樣,
" 每個人做每一樣野,
如無特別原因, 都會係根據佢本身習慣去做。 "
生活如是, 工作如是, 愛情如是。`


2013年7月29日 星期一

無力挽回

昨天揸車時突然想起, 7月某天好像是什麼日子?
誰的生日? 什麼紀念? 唸唸下, 
原來係三年前的同日有啲野發生左。
話咁快又三年。

其實好多年前, 當"那些年"仲未開拍公演既時候,
好多人都已經識得平行時空, 又或者係來自未來既先知 - 
佢地成日唸番轉頭, 話當時如果無點點點, 又或者當時點點點, 宜家就會點點點?

點會有得咁唸? 
人雖然係可以選擇, 但好多野都整定架啦.
有些事情也不是自己努力就可以成事, 特別係遇著另一種有腦的生物 - "人類"
我們有自己想法時, 別人也有, 兩個人的想法有多大機會是能完全一置呢?
最緊要自己有努力過嗜。
其他野, 我們根本無力挽回。

失去既係咩?
有時會覺得自己因為當時做左個咁既決定, 失去左好多野, 所以搞到宜家咁...ETC ETC.
但又有無唸過因為咁樣而得到野呢?
我成日都唸, 如果我無做呢個決定, 或者我更衰? 又或者因為無左呢個決定, 我決定左去做第二啲野, 途中就比車撞很死左啦。
我想講既係, 就算做錯左決定也不一定是end of the world, 或者已經好了很多。
既然已經發生, 過左去, 除非有時光機, 否則我們都無力挽回, 回到過去,
那麼何必自己回想為無可挽回的往事後悔呢?

得到既係咩?
經驗 - 好多時聽人地講, 但完全唔會明, 
經過左某啲野之後, 就會明白另一樣野,
下一次遇到同樣問題, (可以的話)咪唔好犯番同一個錯囉.
中間雖然有開心, 有唔開心, 
但開心是要有過不開心才會了解和珍惜。

就像人生一樣, 最後都是End up with nothing.
當中都只係賺左個過程姐, 結果都未必係最重要呢。

還介意麼?
白羊座很小氣, 很容易生氣, 但是過左一排就無事。
我尋日同佢傾左幾句, 咁岩佢有啲野發生左, 開頭都有少少開心, 我心唸, 抵你死啦。
但唸唸下, 其實我係care咩? 關我很事~! 只係我覺得為左啖氣.
後來我都同自己講, 點都好, 祝佢平安啦。
特別係, 都識左幾年, 雖然知人口面不知心 (which 呢個根本所有人都係, 無可能100%比你睇哂嗜), 但點都叫朋友一場. 
我都想可以好小氣, 憎的人可以嬲足一世~





在此順便post首近來很喜歡的歌, 側田 - 硬仗
雖然每日都係一場硬仗, 但遇強會越強.
沒有艱苦怎會練成將來的硬朗?






側田 

硬仗

作詞:陳詠謙
作曲:頡臣
編曲:Ted Lo
監製:側田

還有可以逛的街 還有資格談失敗
運氣假設有點壞 尚算心裡有好歹

財富倒塌如骨牌 臨到絕境有血可賣
舊愛也許遭到唆擺 失蹤了 剩我在角落暗自強大

疾病想綁架我 未信我竟然捱得過
就算肉身痛楚 我贖回靈魂誰為我佇立而奏凱歌

還未到投降的日期 憑著最頑強的士氣
撲向災難場地 張開雙臂 風浪我承受得起還未到時辰講別離 如願要來回幾公里
縱使生命如硬仗 贏輸不過自己

朋友不再想歸隊 別繼續推說有點累盛世也好總會中衰 不緊要 在往日我亦這樣無懼

用自嘲拯救我 遇上了低潮還不錯
是我自己太早 太易忘形忘掉了挫敗還有很多

還未到投降的日期 憑著最頑強的士氣
撲向災難場地 張開雙臂 風浪我承受得起
還未到時辰講別離 如願要來回幾公里
縱使生命如硬仗 贏輸不過自己

我未信奉任何道理
鳴謝你 提示我 我有經驗對抗自卑
那種滋味 那個天地 原來歷盡也不會死

還未到投降的日期 憑著那頑強的士氣
讓我守在原地 不捨不棄 失敗我承受得起
還未到時辰講別離 如願要來回幾公里
也許生命如硬仗 不知嚇怕我還是你
哪一天突然獲勝 由今天再說起







2013年7月18日 星期四

某天的心血來潮.....

某天的心血來潮.....
在開車聽歌, 突然想唱兩嘴放上網
沒什麼原因...想做就做

鬼節快到...岩用黎嚇鬼~~~
硬仗~~~

video

2013年7月12日 星期五

今夜我想太多 ~

又黎到一星期一天的星期五
雖然明天工作還是等著我,
但感覺已輕鬆起來.
特別是近日老闆不在, 加上兩個同事away, 一個走Q左
全線陷入無政府狀態,
Yeah!

今日終於拿到新的Drive car,
是top spec的Corolla ZR
今次仲可以自己揀車牌, 886, 很好的意思...LOL
揸了一排RAV4又要揸番Corolla......未慣. 坐得好低......
妖, 人就係咁衰, 得一想二.....



我岩岩又唸多左 -
我成日都覺得, (之前也有說過, 因7年前看了一套幾boring 但 inspiring的戲)
我地來到呢個世界總有個目的, 無論我們活多久, (如果有神)安排的話,
"我" 呢個 "功能角色" 到底在這套戲上面起一個咩既作用呢?

又將呢套戲廷展成百九幾集的無線師奶劇 - "真情"
假如我活到百歲的話,
會遇上無數個過客, 雖然我可能只是在他們這個單元內一個路人甲
但我相信there must be a reason behind it.
我又點可以演好我呢個路人甲呢?

有時可能連自己也不想"演"的角色, 也有他存在的意思.
就假設我現在的工作, 我也只是覺得我在賣野比你, 搵完你錢就走啦.
我有昤也看不起自己的工作, 咁撚大個人大學畢業做一樣同讀既野無關係既野? 個老闆仲要咁仆街....
但換個角度去想,
一生人會買幾部新車? 十部? 八部? 三部? 一部? 又可能一部都無.
我有個客76歲買左部新Yaris, 上部車都揸左13年, 好話唔好聽可能部Yaris已經是她最後一部新車
客戶覺得我幫到忙, 價錢好, 服務好,
就算她十年後再換車, 她也會記得"十年前介紹Yaris比我戈條友好好"
我在他們這個單元的價值, 怎樣也比一個路人甲要好.
這個路人甲, 又豈止是10秒的過鏡呢?

客戶的禮物:
我沒有用槍指著客戶指他一定要送, 也不是自己買盒野放上來的.
如果不開心, 何必要送禮物? 對不對?


我後來也認為現在的不佳工作, 既然有這樣的安排, 又或者是被安排在磨練自己, 說不定是將來更好的工作的基礎.

我想帶出的是, 就算我們覺得自己是如何的不重要, 如何的渺小, 其實只要做好自己該做的,
又或者做得更好, 你的存在價值總比你想像中要偉大.
君不見奧斯片也會有最佳配角獎麼?
就算未必做到配角添呀, 能做一塊稱職的綠葉也是需要努力的..
而, 世上好多野都不是沒有原因, 白白而得來,
有這樣的Situation, 很大可能就有個因, 又或者這個是將來的一個因.
既然"導演"安排你去做一個路人甲的角色, 好大可能是因為他覺得你能勝任而交比你啦?
又或者覺得你未夠班, 係時候比你磨練磨練.... =]

又醒起一件事.
於上星期左右, 我同同事出車出去有野做
突然落雨, 我地上公路前, 在公路出口見到部Van仔跪低左 (梗係啦唔用Toyota,,,,lol)
出口係個勉強塞到兩部車的街口
所有車都在繞過他,
沒有人在想, 如果有人撞到那台車, 在路口出了什麼事故,
只會令更多人受阻, 拖延更多的時間.
亦都無人會考慮到落車幫手推一推車.
只要過左四條線, 就已可以去到對面馬路, 有車位可以比佢停低.

於是我們落車幫佢推埋一邊. 三個男人其實好容易.
佢老味有部新Audi A5 Sportback, 佢老味趕撚住去飲盲婆湯.
係都要繞過我地, 我地落緊雨推緊部van仔, 你老味你想飲盲婆湯都唔爭在戈一陣啦.
我地移開部車, 都只係三數分鐘.
你等極都係三數分鐘, 有車頂有冷氣.
但就樣做就已可省卻在旁的車要take extra care 去繞過戈部van仔
有時就係我地自己既私心, 明明係好小事可以好快幫到人,
但就因為自私, 當正見鬼一樣 "時運高見唔到你" 就算.

當然這個例子, 我不敢說是功德無量.
但也總算是個做好一個路人的角色呀.

又講番如果作為一套大電影
我地又係演一個咩角色呢?
每個人都不同.
人生在世短短幾十年
當我幾十年後(hopefully)死去
我在這在世的幾十年,
除了CO2增加, 石油減少, 資源減少, (這些是實在的)
我還在這世界leave了怎樣的impact呢?



遺憾已晚, 仆街, 打打下已3:30..............
明天我又要上班"拍劇"了, 有機會再續.
希望你地大概明我講乜Q啦!

晚安

2013年7月5日 星期五

巧耐矛更新

原來我又已經四個月無更新 -
呢四個月過得好快。
今日突然又想番起呢個Blog。
其實我一直想做個blog係可以keep住update.
日常有咩事有所啟發, 就學大文豪咁打篇一文 (放心我唔會亂祝人生日快樂) :O
(話時話呢單野真係好柒)

眾所周知我日日投訴, 日日屌....
日日都話份工唔好, 壓力大.....
一直都好想走.
但當然又好多因素唔想走, 唔捨得 (部車)
但但我又接受唔到一個唔識尊重人既老闆, 話說佢尋日又發完癲, 無人同佢嘈, 佢自己越講越激動.......
我心唸....屌你個死仆街又唔撚係唔知自己早排完入撚完廠咁激動做乜撚春....
你一陣暈撚低左要抬你就麻Q煩....

講番份工其實好的事也有.
回想呢一件來, 自從轉左黎宜家間公司,
學到左既野真係好多, 雖然錢真係賺少左, 但以一個grad左冇耐 (而且成績不是特別好既人)來說,
其實還ok啦, 而且有新車揸同埋無限油喎~
我學到
- 點樣比你個仆街老闆少, 都當聽不到, 後來先暗暗地屌鬼.
- 真真正正的road to a sale, 不是totally dependent on luck.
- 點樣響個多是非既地方做"莫理事"只聽不說, 聽了也扮沒聽到.
- 真真正正的product knowledge而不是9up.
當然以上講既只係好少既一部份啦....
我地個仆街老闆, 佢戈把口同埋咁對下屬法如果被告上Union條仆街比人炒硬, 只係行頭細, 大家都廢事搞咁多野.........
條肥野仲搞笑, 早排我同事走左去BMW, 肥野問我知唔知點解佢會轉左去BMW, 佢假設人地一定係為左揸靚車, 我又唔好意思同番佢講................
人地走既原因係因為唔想同你共事囉.....
又咁講......老闆衰, 在下面一班被欺壓既員工就會更團結, 識到呢個團隊, 大家相互幫忙, 係一個好好既經驗.

近日終於有個比較明確的路向, 當然只係口講講但都知道大方向.
我又認為呢單野係隨時都可以番番黎, 唔去試下其他野點知宜家呢份係好定壞呢?
講到咁其實大概都知係點既決定, watch this space.



轉! 話! 題!
近日才認真地聽何韻詩出左幾個月國語大碟"共存"
原來"彼此"係有粵語版, 順耳好多.
點講呢....隻碟開頭聽有點雷聲大雨點小.....
但聽落又慢慢覺得有所得著, 恍惚在為失意沮喪的人在打氣.
"You're not alone".....
送上 "彼此" 粵語版
近日Jacky介紹了我用一個非常好用的"試聽"歌軟件, 大陸野叫做"酷我"
勁到係連Swing既陳年舊歌都有.....
聽多左新歌, ^_^
宜家連iPhone都可以裝app統計ipod播放次數....
last week.....
薛凱琪 告别我 60
何韻詩 彼此 30
側田 硬仗 30
J. Arie 第一志願 23
王菀之 如果這是情 22
薛凱琪 周末畫報 16
謝安琪 最好的時刻 15
小肥 負親 15
王菀之 皇后餐廳 13
泳兒 通電 11
告別我.............~~~~~~~~~~



自從四月開賣以黎,
街上的RAV4漸多, 也很正常, Top selling segment, top selling brand.
門檻低, $35,990 起咁很大部車, 唔賣得先奇!

但在外國市場SUV真係把傳統四門房車侵食得體無完膚!
Camry, Maxima (Teana), Accord 這類車真係收哂皮
直情就似幾年前港澳開始流行七人van一樣,
Wish, Alphard, Noah, Picnic的興起,
直接又或間接搶去本身Corolla, Corona, Camry 的market.
前幾年FD款Civic (06-11年) 只得四門房車版
但一樣賣到成行成市
新款有四門有五門, 都了一年有多街上都係依然三數部,
一來車價貴啦, 二來market focus根本不在sedan了.....
無法, 時代唔同, 流行的野不一樣.

房車市場又會否完全沒落?
我睇又未必會.
流行呢樣野永遠都有時間性.
就像早五六七年流行hatch, 早兩三年流行mpv, 宜家又興hybrid車....
房車都始終有佢既價值, 始終隔音都是比箱型汽車好好多.
新RAV4我唯一真係唔鐘意係......車尾好很嘈.
因為沒有獨立車尾作隔音; 行李網, 遮物膠廉在輾過不平路面當當作響,
但無可否認宜家買Sedan都已經變左一個"品味獨特"選擇這是年前意想不到的事.

當然我呢種咁自視過高, 自命不凡的人....下次買車可能真係買sedan了....嘿嘿.


好~~~~~~~早抖~!






2013年2月1日 星期五

我最喜愛的容祖兒

已不知講左幾多次,
我真係好鐘意聽廣東歌 - 語言簡單直接聽得明, 題材夠多, easily accessable
四分鐘內唱的幾百字歌詞入面已經可以表達到一個好圓整的愛情故事,
愛情故事也不簡單, 可以借一條利東街講一個失婚的故事, 可能性太多.
我不是不喜歡英文歌, 但因為我聽歌好聽歌詞, 從故事裡代入又或者作出思考.
舉個例我聽Taylor Swift 的 "We are never getting back together"
(利申: 我好欣賞佢, 曲風好清新, 聽完好舒服, 雖然我都係唔會買碟)
聽完只係記得呢句 -
"我們....永遠永遠永遠永遠永遠不會再回到一起"
咁我又問番自己, 我聽左咩呢....

以前很喜歡聽容祖兒, 聲靚, 隻隻碟都一出即買,
小五小六已經覺得呢個"都係十幾歲既姐姐"唱得好好聽 -  當年佢都未夠廿歲
雖然唔靚, 但係個樣有種"吸引力" - 我都唔知點形容,
我第一個"留意"的流行曲歌手應該是容祖兒了
有觀眾緣, 揀歌揀岩路, 肯落本去谷, 佢條路其實算好好行
她的故事恍惚是一個 "年青人努力發奮上進成功的故事"
是一個年青人"努力做自己鐘意做的事"的向上前進好榜樣 -
"容祖兒生得咁唔靚, 但唱得歌所以就姐左" 恍惚是個充電器為年輕人打氣打氣
當年的side track很多時候都要比plugged的歌曲好聽,
成就了多首無正式派台無力谷的作品都街知巷聞, 至少你去唱k個個都會識唱
"何以我變了你的十六號愛人"又或者"仍然剩下病假有幾晚"
要揀番十首"我最喜愛容祖兒的side track"也不容易呢!
到左05年前後就已經好一般; 唱的無問題但都如大家所說, 成了唱歌機器;
密集的出碟變成流水作業, 當中不乏好聽的精品但性趣已大大減退.
06 年左右的 Ten most wanted 和 Close up 銳意求變其實也不賴,
再後期密集的"百老匯"主題曲 - 不要搞錯我是指的是電器廣告歌,
為了出廣告夾硬收隻歌落大碟度, 同主題完全不相關, 有欠工整 -
thats why 容祖兒會是一個"最受歡迎女歌手"又或"派歌最勤力女歌手"
但好難會拎到"最佳唱片", 不是唱的問題, 只是唱片太過於"多元化"完全配合唔到主題,
像是為了濫竽充數似的.
所以之後的Glow呀, 喜歡祖兒4呀, 已經提不起我的性趣.
眾所周知我電腦入面以前咩容祖兒既歌都有。
唔係講笑, 近年連免費download的我也不想要.
去年一連串膠歌如"我要玩"和"出色"和配合強國慢香港幾年的快歌"加大力度"簡直令我這種曾經的fans夢碎 - 你到底做緊咩呀?
近年我覺得最"正" 令到我有想J (想聽Joey)的衝動要講到方大同手筆的"牆紙",
同碟的"花千樹"其實個idea好好, 雖然已係家傳戶曉, 講過三百幾次的主題, "到底應該不停尋找更好定係不停去尋覓更好?" 聽到覺得幾好, 但聽多兩次就覺得, - "咪又係咁"
已好難感動到囉.

其實人真係好衰, 我支持左佢六年, 無咩留意佢六年.
但係我現今對佢的想法是, 唱到滑哂啞不如休息一排先再出黎唱啦.
一段"關係"的熱情冷卻, 最後只會記得"不好",
@ 公司呃錢, 成日出精選,
@ 隻Glow同喜歡祖兒4明明係一隻碟分開兩隻出呃fans錢
@ 碟唔夠完整, 成日唱膠歌

其實佢公司就等於佢老母, 都唔係第一日知道佢外家貪錢, 以前仲衰啦 - 第一版第二版第三版
又其實, 佢啲碟因為出得急, 都唔係今日先有沙有石, 一直以黎都係咁.
但當初因為鐘意, 因為包容, 所以一兩三首膠歌加兩首特難聽國語版都係可以接受, 最驚你唔出(碟)

而又忘記了當初是如何"艱辛"才能"0係埋一齊"
@ 幾難得先等到出碟, 今個月行路番學都要買碟啦....
@ 幾難得先有得睇一次live, 唔比屋企人知都要去啦....
@ 幾難得先一年有得睇一次容祖兒叱吒live拎獎+表演, 聽日要番學, 都唔可以訓...zzz (當年邊有youtube可以咁易重溫呀?)

亦都唔記得左佢曾經帶比我幾多回憶 -
一段"關係"去到最後只記得不快, 只說"對方變了"
已經不是"以前我喜歡的你"
但"我又何嘗係當年的自己"呢?
包容隨著日子的過去減退, 自己也要求對方去配合自己,
"但當初你唔係因為咁而鐘意我架咩?"
其實唔係, 男仔的通病是, 日子久了就會"除下面具" -
包容了解 - 這是昨天的事啦!

話時話, 我真係好想知到底宜家仲支持容祖兒既人 (即係仲會買碟去演唱會)
到底係當年已經開始支持, 定係中途轉會呢?
如果講買碟的話我真係想不到有什麼理由仲去因為"支持佢"而買碟
有幾多人會因為"聽到佢近年啲歌好正" 而開始支持佢呢?


晏少少post啲容祖兒favourites先.

2013年1月21日 星期一

不是情情塔塔但能令人受感動的歌

聽歌有好的旋律和編曲當然重要,但我聽歌更著重聽詞。
這也許就是廣東歌的吸引力,語言上夠直接容易明白已是引人入勝,
更好的是題材其實很廣泛 - 
連畫畫和人生道理的 "留白" 都可作成一首歌,
歌頌爸爸媽媽有 "絕對" , 
地道文化也有 "我愛茶餐廳",
講精神病和社會病態的又有 "青山黛瑪", 
凡谷一生的故事有 "畫意" 的3'23道盡,
歌手懷才不遇的經歷也可以寫成 "一首歌" , 
講生活片段有 "沙龍",
受傷的貓仔有 "三腳貓",
少女暗戀 " 奇洛李維斯回信 " 都有得唱,
前世今生有 "弱水三千"
連減肥做尖都可以唱 "跑步機上" - 
其實廣東歌識得聽真係好好聽。


王菀之 - 迷失藝術 (收錄於2009年On Wings Of Time)
"你要漆黑中數算著福氣 你要心酸中緊記當走到最尾 那處風景最優美"
聽左Ivana八年咁多首歌, 要揀三首我最喜歡的王菀之 - 這首肯定入選

這裡有非常好非常詳盡的解說 - 
http://blog.upradio.co/2011/12/01/lost_art/






何韻詩 - 妮歌 (收錄於2009年HEROES 09)


" 為你療心傷   讓你哭過後 新的一樣   靈魂受創 擦掉更閃亮 "
非常冷門的一首歌 - 我們其實也不知道自己在這世上的存在價值,
有些人燃燒著自己去點燃別人的生命, 有人去唱歌為別人療傷。
各施所能, 也是為這世界出一分力. Live 版比CD版更感動。






如帶著面具去掩飾倦容

我是一個好鐘意諗野既人
有時我都唔知自己諗咁多做乜
有很多話其實我想說但我沒有機會
有很多想法想分享但沒有耳朵
文字在搏客上是隨時可以看到的 -
如果你這麼巧合進來了,這也可能是我有幸讓你聆聽到的好機會,
又或者你是按錯了,上一頁就是在頁面的左上角。

有時想得太多我自己也覺得自己精神有點分裂
我不是一個喜歡將喜怒哀樂都放在臉上的人
早陣子我給我的老闆遞上辭職信 - 他大吃一驚
特別是在工作環境 - 我幾乎是沒有情緒,
因為我相信的是 - 上班是上班的地方, 老闆的話就永遠是對的, 就算你是對但你跟老闆對立也是你的錯, 因為他是老闆, 於是我便會把自己任何的不滿都放在心裡, 直到有一天我覺得忍受不了便會放棄。
老闆也說我 : 「你自己經常想太多,也不告訴別人你自己的想法,有時可能想法想歪了也不能及時糾正。我都不知道你究竟到底是開心或是不開心,你覺得不習慣這邊的環境嗎?」
先別理會他是有意思叫我留下的因素,他這句話也是有他的道理的。

因此越收起自己的想法,也會順道把自己的情感和表情收起來,
我也習慣不喜歡有人擔心我,我是最強的。
特別是人大了,身邊的人都有拍拖對象,又或者已是談婚論嫁的階段了。有時也不好意思去煩她們。
或者我也應該找一個能聽我講野的對象,其實是很難,
我又是個麻煩人,能聽懂我說話的人又未必真的有咁多。
我又唔鐘意太細個太低B,太容易得到既野我又唔識珍惜喎,
邊說邊想,我很懷疑這世界上的七十億人中會有個能配合上的人嗎?

我不喜歡發表自己的意見和情緒 (熟的人也許會見到我發皮氣吧? 但我除了發皮氣和笑,好像沒有太多表情了),
一來是擔心「what if i'm different from the others?」; 二來我又不喜歡要人擔心。

朋友的想法是 - 我是一個樂天的人,會照顧自己,不怕孤獨。但說話很賤,而且很"霸道",熟的話皮氣會不好。
老闆的想法是 - 我是一個很乖很肯做的人,不會在公司有任何情緒,但是只會埋首在自己的工作,不喜歡跟人打交道,一班人去煲煙食野也不會去。也不喜歡發表意見,完全不知道我是有什麼想法。
家人的想法是 - 我自己識得出來上班養活自己,最緊要我開心,應該也不認為我有什麼不開心。
總而言之,總體我的形象是「不用擔心的人」不是不需要關心,但我是盡量不令人擔心的人。
但在另一角度想 - 其實我的確是這樣的人,還是我想做這樣的人而 " 演 " 這樣 " Worry Free " 的角色?
如果是在演戲,我應該能演活一個開心但內心孤獨又寂寞的人,
說到底,其實我是不明白自己到底是哪一類人 -
因為每天在帶著不同面具去演不同的「我」,久而久之,反而不清楚自己本來是怎樣的一個人。到底我又是一個怎樣的人呢? 我要從哪裡尋答案?


最近我想的真是很多 - 想得我心裡有個結我也解不開 -
我又在想現在的生活,工作,家庭,朋友 -
現階段的我,到底是否滿足,這到底又是否我想要的?
將來的我,是該怎麼樣會滿足?
這其實也不是最近才在想,一直也有這個隱憂 -
但上班真的很累, 下了班我沒有機會去釋放自己慢慢去想清楚自己的需要和想法。
到底現在的工作,將會take me to where? 我又是否甘心invest這樣的時間去一直做這份工作?

太多太多, 最近想法真的太多 , 明天再續。