2017年8月29日 星期二

許廷鏗 - 根



Don't know if you would agree
All wrongdoings in the past shape the better you
There was once - Around 4 years-ish ago I was pretty lost
Lost in love, also in what I was doing, lost in what I want in life
But it was actually a good timing for me to think, relax a bit and feel myself
As time flies, you would be pretty glad that things happened that way 
(Or maybe I'm too optimistic......)
And whats more we cant change the past anyway, then why not be glad and move forward?

Now once again, 
Everyone knew what happened 4.5 months ago.
Time's tickling and the hustle and bustle has brought us into late August already.
Numerous nights and days of concern, and wanting miracles to happen, and waiting for the person to turn around seems to have settled...
Well when I look back into this ....... 
Yes I do understand myself why I did so in the past months, and if I were to do it again I would do the same
However, now I'm more buying into that what happened is a lead to something.
What will it be I just dont know yet.


Both good and bad experiences are important elements for the better me in the future.
If you haven't found out why, just wait until the time comes and it will reveal...



曲:AGA 江海迦
詞:林若寧
編:Larry Wong
監:舒文

剛剛出生感應父母那溫暖
家中花貓四歲去世那哀怨
朋友八歲那天 換學校未再見
同樣真心的感激每段淵緣

想起當初比賽為戰友膽顫
能夠幸運結識是傲慢親善
同樣亦是經驗 揉合美醜向我感染
懲罰過我 誰扶植了我 誰同樣也列入謝師宴

無論偶遇道別都感激它發生
營造逝去種種感想才有這玩味餘韻
無憾後悔亦是像水份
替我吸收好感與罪惡感 讓我充份 

無論冠軍落敗都應該雙冠軍
令我驕傲氣餒每次叫我汲取教訓
從前無論我幸運不幸
帶我觀摩風景 鳴謝我的腳印

挑剔祝福都會令到我鼓舞
遊戲或是競爭亦是活著溫度
濃霧或是朝露 同樣美好賦予激素 
懷念過我 誰忘掉了我 泥濘上種出命運未虛耗

無論偶遇道別都感激它發生 (真心感激遇過不幸)
營造逝去種種感想才有這玩味餘韻
無憾後悔亦是像水份
替我吸收好感罪惡感 讓我充份 (已忘掉愛 還是痛)

無論冠軍落敗都應該雙冠軍
令我驕傲氣餒每次叫我汲取教訓
從前無論我幸運不幸
帶我觀摩風景 鳴謝我的腳印

無論眼淚或是樂觀都長出了根 (開不出花那算不幸)
培植逝去種種感想才有我現在神韻
無憾後悔亦是像水份
替我吸收好感罪惡感 讓我充份 (已忘掉錯 還是對)

從前做過的身份都一樣是慶幸 (今天方知我最僥倖)
令我生命抱怨過抱歉過汲取教訓 
能成為舊愛現在亦僥倖
灌溉今天風景 來自那一個吻



2017年8月21日 星期一

再遇上⋯⋯

再遇上

都經過了許多個月,其實感覺要比時間短,即是我都不經不覺,原來又已經八九個月了。
這人在生命中沒怎麼消失過,或者是因為常常有人會提起,他又在澳門了,問我要一要一起出去,那當然不出去了。
當然他們都不知道原因,不見了,不健康的關係,沒有結果的,當然不可以再見。
白羊是,拖拉到一個點(本來就沒什麼耐性)就會覺得很累,累到一個點,一旦去意已決,馬上就會放棄,就是那麼一剎間。

這事其實在心中都已經幾乎沒有再泛起,但偶爾聽到名字,也還是會想,他到底怎樣呢?
但這感覺通常都是一閃即逝,畢竟當時我也做得極盡絕情,瞬間拉黑,WA/Wechat/FB/IG 連電話號碼都刪除了,滴水不漏。我也叫自己不要不要不要再想。
當然,當時其實暗地裡也會唔開心,大約有三個星期到一個月吧。
那時,其實也是很內疚的,不開心是覺得自己做了對不起和我一起的人的感情(試過一次我頭痛,他無微不至的照顧我,令我真的融化了,那時我真的很愧疚,真的不應該再沉下去了⋯)然後,也令自己開心得來不開心(明明是沒有結果的,但一起時又開心但又來來回回⋯)。
那時,卻沒有怎樣去想過他,也沒有想過他的男朋友。一,我覺得他也是玩玩,不會傷心吧,還裝得那麼認真。二,你男朋友我理什麼,我自己家裡那個我也忽略了。三,你管不住你那個也不是我問題啊⋯
當然,發生的只是情情塔塔,flirt來flirt去,秘密約會,但好明顯那時是真的有感情了,我開頭覺得對方有,他朋友說沒有,因此我也覺得應該沒有,哼,演戲演得那麼好!沒有也裝著有,唉,我笨實,有點嬲金。。。

說時遲那時快,又過了那麼多個月。
機緣巧合下,我們又遇上了。
說著機緣巧合也不完全是,只是我巧合地聽到喝東西又有此人(一直沒介紹,就給他一個化名D君吧)
喝東西時,其他人已來齊,也有一刻想過要是他不來,那麼就沒有機會見了?其實他是不是不想見我呢?
他姍姍來遲,來到的時候我當然要扮到很自然,介乎識與不熟但又可以講講粗口,但又不可以暴露任何蛛絲馬跡(這場戲不好演哦,飯盒真不好賺!)心入面也有一爽,也還好,起碼他不介意見我。
聊著聊著,也沒有什麼,不經意的眼神又要裝沒事,我的演技應該是有進步的。
然後又然後,回家的時間到了,兩台車五個人,真的不知要該怎麼分。噢,還好有人說要坐平治,呵呵。因此就順理成章,我把三個朋友都載走吧。
剩下兩人,其實按開車的路程來說,應該是先送這個D君,再送剩下的那一位朋友(Z1吧)。其實本來也就想這樣算了,也不知對方想不想聊天,但礙於本人是極盡喜歡畫公仔要畫出腸的白羊,好,我說「Z1,你是不是要早上班?我先載你回家好了」
於是,就很順理成章了。

我都不記得是怎開始的,他有說起,那時被我拉黑了,有跟最好的朋友(Z2吧)說,不開心,因為被拉黑了。Z2說他,你抵死啊,常常出去玩,今次認真了啦。他因為這樣嬲了Z2到現在,他還說是因為Z2也暗裡喜歡我所以一直和我聊天,也說他不是好人的事。
好,於是我就有double暗爽,噢,也好,大家也喜歡過(當然這真心其實是不該啦),而且起碼他朋友也覺得我唔錯 😊

Through那一個多小時,其實是很開心的,原來也有個人如此好聊,那種感覺很親切,很舒服,原來世界可以這樣大、有點感覺,能聊的人也不是沒有啊(當然我也明白這是initial而且大家沒有obligations丫嘛)

我問他,要是我沒有block你,你會怎樣,他說「會一直維持那樣吧,我很不捨得,常會拖拖拉拉,應該會一直維持下去吧。所以你這樣做是正確的,但那時我真的很不開心,又要在男朋友面前裝著沒事,那才最辛苦⋯」

但若問我會不會再續之前的那種關係(假設我可以好主觀地控制)我以前可能會。
我又沒拍拖,他有但關我什麼事呢
但或者經歷過某些事後,我真的覺得,這不ethical,傷害到別人的,要是可以再來,我或者真的sense到大學開始flirt時,應該已要stop同時我可能會講清楚,不應該直接block(你想想,out of the blues那樣被拉黑,從此找不到,那感覺多麼無助難受啊。)
或者留番一些在心中的好感,也可以很開心。
那當然,知易行難⋯我說的口嚮 😏
就是因為有感覺才會不顧一切嘛,可以那麼冷靜理性那就沒有多喜歡了吧⋯

最後其實我本來有個問題想問,到底我們有沒有喜歡過大家呢?但應該都沒需要問了吧。

---------------------

那時我有跟我前度(X)說了,也好他沒生氣,只是他萬般想不到會是這人,好吧,可能又是我的「80/20」理論⋯
就是人總是貪心縱使現有的都已80分,但也還是想奪取剩下那20分。
X不是不好,我應該說是很好很好,生活各方面夾,是沒有任何巨大東西不夾。但他就是會間中屌柒我,又有時不懂照顧自己,又有時會不讓我做這個不讓我做那個。
那時X沒有95分都有80分了。
但人總是不滿足,在D身上,我就會尋到缺的那20分了,他可能總分要比80還低,但我就是要那缺的20分,很想很想⋯
但是最後還好我也臨崖勒馬,否則為了那20分放棄那80分⋯⋯真是夠傻了⋯⋯



#letstalklove







2017年8月20日 星期日

額上的豆豆

一直以來
就算說是青春期
多豆豆 也最多是在鼻上

好少會在額頭上
2016試過一次
那時是壓力太大

今年又發生過一次
開始在四月中
那時那種壓力真的很大很大
我每天還要上班 我還要生活
我還要在別人面前裝著沒事
那時 我只希望時間可以快點過去

每天上班心不在焉
每天工作時都在想
每天都在想那個人
又可以說 在想那兩個人

回到家 噢
想了一天 看了一天令自己心情平伏的東西
終於真的累了
我真的想睡了
每晚合起眼 也是會想起
好不容易 又在三更半夜起來
痛醒 那一種真的是痛醒

如是著 每天重複
又這樣過了兩個多月
要我想起那些時間是怎過
真的不想再想起來
真的太痛 太難過

多謝 洪經理
提早去了公司的trip
我們一起去了印尼小島
雖然那時我還是想跟我去的不是他
但也令我開懷了不少
亦至少 我開始可以好好的睡了
至少 我不害怕的不能入睡了

回來後
漸漸地
的終於回復了正常的生活
我睡得很好了
也時早起身(八九點也是會醒)
但額頭上的豆豆
已經慢慢消失了

我只希望豆豆不要再來了!

2017年7月31日 星期一

If things were really meant to be....

近日發生既野, 都令我煩惱左好幾個月。
果一件事, 都算係近年印象比較深既事。
When I think about it, things seemed so right, it seemed so smooth and future seemed so bright.
好多個無人既夜晚我都會唸, 到底係咩事, 點解點解點解 - 但最終都係冇答案啦。

我成日會唸, hey we were so meant to be, why would it end like this?
時間慢慢過去, 喂, meant to be 呢一樣野, 其實係唔係兩方面都係咁唸先?
單方面講既meant to be....其實只係自私咁想去擁有呢個人。

假設, 我係A 佢係B

一直以來, A同B係一齊;

假設有一日, B同A分左手, B左個C一齊, B & C 佢地彼此都覺得對方係meant to be既一個,
咁人地先係天造地設既一對, 我(A)點樣去阻止人都冇用架喎, 點解要阻住人地既幸福呢?
咁即係其實A要搵既人亦都唔係B囉, 點解要執著成日搵番B呢?
一雙情願...自作多情.....不要自作多情去做夢啦.......

與此同時, 如果A 同B兜完一圈後, 都係覺得對方先係最岩既人, 呢一種先係叫做meant to be.
試勻哂, 原來所欠缺嘅就係呢一種感覺,咁先係Click嘛。
老老豆豆,點知咩叫最岩? 就係試過哂都冇人取代到先叫最岩。
冇得走啦 !!!

相反地。如果A兜完同左D, B又同左C, 咁即係證明大家都只是生命中的過客囉。

應該要發生既, 0係0岩0既時候就會發生.......
強逼, 用個牢籠去困住任何人, It does not work and this is not me .....

好似好哲理咁, 但其實呢啲都係好老生常談
知易行難, 但我都真係行左好多路先好似宜家咁透徹咁明白呢個道理。
希望下次再有啲咩感情難題時再睇番呢篇野 (希望唔會啦, DLLM),
自己都會有一番領悟。


-----------------------------------------------------------------------------------------------------------


於是, 我又唸起我以前買車既一個故事,
唔好問我點解連啲時間都記得,我真係唔知點解。。。。

2001年6月 - 夏天,當時我仲讀緊Form 2,
睇汽車雜誌,當時睇到部新款車 - 當時的第一代Honda Fit (Jazz)
唔知點解我覺得好靚仔, 好想擁有。

http://www.honda.co.jp/auto-archive/fit/2007/interior/ultrseat.html
當年可以咁樣玩張後排座椅, 簡直係一絕~

我同我媽都好鐘意,特別係Ice Blue Metallic,
(呢隻色當年一街都係架)
アイスブルー・メタリック
真係好鐘意呢隻色....


當年日本大賣, 出口版要到2002年1月先到港澳。
香港賣 $105,800
澳門賣 $119,800
當年真係賣到一街都係。好似港澳都賣嬴多年冠軍Corolla。
2002年在日本都賣嬴32年冠軍Corolla....

簡直係年輕人Dream car, 當年社會邊有咁多人買得起CLA丫 ?

到左2003年尾, 屋企終於要換車啦。
咁第一選擇當然係Honda Fit啦 - 其實我老豆一般細車。
幾經遊說後...終於落左訂,
水貨Fit 1.5T 淺藍色....
滿心期待啦......

三個月後, 2004年頭...
黎左既竟然係.........豆泥黃........
咁我老豆當然冇要到。
但因為當時真係急用車
最後買左Corolla.....
銀色....一街都係.......
等左幾個月以為可以坐了, 點知乜都冇。


2006年番到紐西,
一直都想買車,
但係各樣原因, 有時老豆又話買, 有時又話唔好買。
有一次有個auntie話走人, 部05年近新Jazz問我要唔要..
但當時我真係唔夠錢, 太新部車。
同埋Jazz冇左reclining seats, 我又唔鐘意。
又唔係我鐘意既Ice Blue metallic。
Ideally, 我都想要有天窗的。
最後都係冇要到。

呢一樣野其實一直都在心入面, 冇遺忘到。
二手水貨Fit係好多, 但係淺藍色, 又要有天窗, 100部未必有一部有天窗架。
係一百部都未必有一部呀!!!!!!!
成日會唸, 幾時先會搵到岩, 又買到, 又附合哂所有條件架呢??

於是, 2009年的一個8月中,
當時我陪Denise去睇車, 佢想買部車 (fucking Nissan March lol)
我都係純粹幫下眼...

點知......一去到個auction
見到我一直想要既野, 就係呢部淺藍色既Fit仔喇。
2002年, 1.3, 淺藍, 天窗, 仲要係W版 (多左幾個設備)
哇, 真係..........好興奮....興奮到唔知點形容。
一刻戀上, 當時即刻同屋企人講。

其實....果時我係住City既。
其實.......當時我真係冇需要買車。
但係, 機會來到, 我已經唔忍喇。
縱使....我知道我住City我要唸泊車問題, 同埋, 一星期其實冇咩時間需要車。
但乜都唔唸啦, 8月中某日再去試多次車
9月1, 正式去auction, 起bid nz $6,000,
最終好似係$7,000 成交, 當年都只係7年車, 80,000km.

哇....中左果種感覺, 真係唔識點形容
雖然2009離宜家已經差唔多有8年,
但係我仲係好記得當年果種興奮。
當日即刻去周圍玩, 好似連番學都唔番添。

好喇...買左車冇幾多日
日日泊街, 都幾那利。
我地屋個contract 9月尾到期....
landlord話一係簽多半年, 即係.....逼我地走.............

好彩我買左車, 又可以唔住city了....
我宜家唸番起都唔知點解啲野會咁岩得咁橋
可能呢啲就係真係命中註定既野。

陪人去睇車, 自己睇到一直想要既野, 買完竟然唔洗煩....
前兩年我番NZ本來真係要割愛賣左部車佢, 但竟然咁岩冇幾耐之後Gilbert媽部車壞左.
於是佢就一直揸住了, 仲好, 可以知道佢響邊度
有一日我番NZ希望都可以揸番佢

The right thing will always happen at the right time.
If not it will come at another time, if not, then it does not belong to you :P

2013年1月21日 星期一

如帶著面具去掩飾倦容

我是一個好鐘意諗野既人
有時我都唔知自己諗咁多做乜
有很多話其實我想說但我沒有機會
有很多想法想分享但沒有耳朵
文字在搏客上是隨時可以看到的 -
如果你這麼巧合進來了,這也可能是我有幸讓你聆聽到的好機會,
又或者你是按錯了,上一頁就是在頁面的左上角。

有時想得太多我自己也覺得自己精神有點分裂
我不是一個喜歡將喜怒哀樂都放在臉上的人
早陣子我給我的老闆遞上辭職信 - 他大吃一驚
特別是在工作環境 - 我幾乎是沒有情緒,
因為我相信的是 - 上班是上班的地方, 老闆的話就永遠是對的, 就算你是對但你跟老闆對立也是你的錯, 因為他是老闆, 於是我便會把自己任何的不滿都放在心裡, 直到有一天我覺得忍受不了便會放棄。
老闆也說我 : 「你自己經常想太多,也不告訴別人你自己的想法,有時可能想法想歪了也不能及時糾正。我都不知道你究竟到底是開心或是不開心,你覺得不習慣這邊的環境嗎?」
先別理會他是有意思叫我留下的因素,他這句話也是有他的道理的。

因此越收起自己的想法,也會順道把自己的情感和表情收起來,
我也習慣不喜歡有人擔心我,我是最強的。
特別是人大了,身邊的人都有拍拖對象,又或者已是談婚論嫁的階段了。有時也不好意思去煩她們。
或者我也應該找一個能聽我講野的對象,其實是很難,
我又是個麻煩人,能聽懂我說話的人又未必真的有咁多。
我又唔鐘意太細個太低B,太容易得到既野我又唔識珍惜喎,
邊說邊想,我很懷疑這世界上的七十億人中會有個能配合上的人嗎?

我不喜歡發表自己的意見和情緒 (熟的人也許會見到我發皮氣吧? 但我除了發皮氣和笑,好像沒有太多表情了),
一來是擔心「what if i'm different from the others?」; 二來我又不喜歡要人擔心。

朋友的想法是 - 我是一個樂天的人,會照顧自己,不怕孤獨。但說話很賤,而且很"霸道",熟的話皮氣會不好。
老闆的想法是 - 我是一個很乖很肯做的人,不會在公司有任何情緒,但是只會埋首在自己的工作,不喜歡跟人打交道,一班人去煲煙食野也不會去。也不喜歡發表意見,完全不知道我是有什麼想法。
家人的想法是 - 我自己識得出來上班養活自己,最緊要我開心,應該也不認為我有什麼不開心。
總而言之,總體我的形象是「不用擔心的人」不是不需要關心,但我是盡量不令人擔心的人。
但在另一角度想 - 其實我的確是這樣的人,還是我想做這樣的人而 " 演 " 這樣 " Worry Free " 的角色?
如果是在演戲,我應該能演活一個開心但內心孤獨又寂寞的人,
說到底,其實我是不明白自己到底是哪一類人 -
因為每天在帶著不同面具去演不同的「我」,久而久之,反而不清楚自己本來是怎樣的一個人。到底我又是一個怎樣的人呢? 我要從哪裡尋答案?


最近我想的真是很多 - 想得我心裡有個結我也解不開 -
我又在想現在的生活,工作,家庭,朋友 -
現階段的我,到底是否滿足,這到底又是否我想要的?
將來的我,是該怎麼樣會滿足?
這其實也不是最近才在想,一直也有這個隱憂 -
但上班真的很累, 下了班我沒有機會去釋放自己慢慢去想清楚自己的需要和想法。
到底現在的工作,將會take me to where? 我又是否甘心invest這樣的時間去一直做這份工作?

太多太多, 最近想法真的太多 , 明天再續。

2012年10月23日 星期二

為執著乾杯

總會有些事情我們是很執著的,
但旁人很多時候都不會明白我們為何會執著這個.
或者我們自己也都不明白, 為何要一定為這小小的事而執著.....

前幾天, 有個客人來找我.
她離開了紐西蘭四年, 剛從英國回來.
想買一台車代步, 一定要手波.
我說, 可以, 但不好意思, 沒有車可以讓你試.
因為, 就算是Yaris 這樣小的車都已經沒有幾個人對手波版有興趣,
進一台Demonstrator也是光放著.

2012年的今天, 眾所周知, 歐洲以外國家, 基本上所有人買新車都已經只會買自動波.
很多型號, 2,000CC或以上 (Accord, Camry 之類的) 都已經沒有手波可供應.
就算只是小車如Yaris, Jazz, Corolla, Civic
現在一般都只會在眾多spec level (而且多是入門型號) 其中一個型號有手波.



我問她要不要試一試1,300cc的自動波才決定? 因為引擎空間也一樣.
她說不要, 完全永遠不會試開自動波的車.
我說, 兩萬多元買一台新車, 你真的不用試嗎?
至少也要試試引擎refine與否? 也要試試上斜是否夠力?
她說, 不需要了, 現在我在開一台租車公司的舊款的Yaris, 她覺得新款的Yaris只會更好.
於是我也有點無言了, 也不是經常見這樣執著的人.
我就跟她講解Yaris 的設備 - 有USB插口, 可以把CD都扔掉....
她說, 我還是喜歡用CD.....(@@).........

其實我們也不明白為何有些人會這麼執著.
但是想想, 其實有時候洽當的執著, 堅持, 是必需的.....

為執著乾杯 :P
為執著乾杯 藍奕邦


2012年10月2日 星期二

到底要多少才算是足夠?

很簡單的問題 - 到底要多少我們才會覺得是足夠?
你們可以解答我這個問題嗎?

我想永遠我們都只會在追逐, 尋求更高, 欲望根本永遠沒有休止 -
同一個問題, 在不同時間問我, 你應會得到不同的答案:
現在你最想得到的是什麼?
2002年7月 -
我希望可以由Form 2 升到Form 3, 仲有我想要PS2.....

2005年1月 - 我希望我可以幫人補習, 自己可以儲錢, 可以買好多Tomy車仔同埋同人出去飲野啦.....仲有我想********呀~
2007年7月 - 我希望可以找到一份Part time job呀, 因為我想自己儲錢買車.....
2010年1月 - 我希望可以轉工作呀, 因為宜家份工(Part time @ Starbucks)做到好悶, 又無晉升機會, 我想搵份工可以幫助到我第日大學畢業搵工架, 同埋我想快啲畢業搵錢, 唔洗靠屋企人呀, 仲有! 好悶呀, 好想搵個人拍下拖呀.....
2012年7月 - 我希望我轉工可以成功呀, 因為我想儲錢買屋, 有自己既竇口.....

但當我每得到一樣野既時候, 得到既感覺係好好, 但好多野, 特別係物質上, 得到後, 咪又係不外如是?
PS2, 玩左一排, 咪又係掉埋一邊, 有PS3, 後來咪又係玩一排?
拍拖係好開心, 但過左一排咪又係吵吵鬧鬧?
有自己車又點? 楂左一排見到新款咪又係想換?

於是, 我們不停在追求更高, 更多, 更新
其實我們到底需要的是什麼呢?

我們永遠只要求更好, 更創新
於是, 所有功能, Innovation; 根本不用一次比哂你 -
iPhone 5 的Panorama View camera 好新咩? 05年Sony Ericsson K700i 都有啦!
個茫大左又清左, 好正呀! 但你地唔係幾年前先話個茫好大好夠用架咩?
快左好多喎.....但...一年前你地又話4s好夠快既?
於是, 我們只會盲目的要求更好, 永遠唔會休止......
這方面, 我覺得Apple 新教主添曲實在是深明此道 -
人類永遠不會滿足, 比再多你都永遠係唔夠, 何不慢慢一樣一樣咁比你?
反正只要係Apple產品班友仔就會自動獻鈔,

但係, 又真係好多人排住隊買, 好正呀, 好輕呀, 好彩呀(個茫).....
但係又幾多人真係嫌本身個電話重, 嫌個芒唔夠彩, 先?
對我黎講, Viber, Whatsapp, 打電話, 飛是卜, 對我黎講咪又係一樣咁用?

當然我知唔去Innovate去Improve就無進步
但我意思係, 好多野唔係真係必要囉.
如舊年先買左4s的話, 有必要咁快買5嗎?
咁....這個up to you 啦.....

講番我自己既親身經歷 -

以前(05/06年) Form 5 幫人補習,
(果時唸住反正之後果年都走, 唔讀慈幼啦, hea盡佢啦, 自己書都唔溫啦! 出去搵錢好過! )
當時同馬嬲仔幫兩個0靚仔補習, 唔記得左有幾錢了, 無一千都有幾百 -
補左一兩個月, 去左幫個我個妹咁大既妹妹仔補,
千三蚊補到有千五蚊.
當時係好多錢架啦, 你要記得當年去買個肥仔記先六七八蚊,
去對面買三四蚊麵加兩蚊豬皮加兩蚊魚蛋已經夠食 - M記餐都係廿蚊有找之嘛
夠我買船飛去香港搵下朋友, 買下衫, 行下街, 已經足夠.
交通有屋企人接送, 又或者塔巴士, 屋企又唔洗比租, 晚飯又唔洗比錢......

07年底番澳門搵暑期工, 咁岩識人介紹比我,
三十五蚊一個鐘, 一個月都有六千幾蚊, 番左差不多三個月,
有萬幾蚊, 都已經好多架啦, 夠我去左幾次香港呀, 出去飲飲食食, 唱k飲酒,
屋企又無咩要求我比幾多屋企, 當時年少無知, 根本無咩需要牽掛, 今朝有酒今朝醉, 不亦樂乎!

08年番黎, 機緣巧合之下, 找到在星巴巴的工作.
唸住可以搵錢自己玩, 年底番去玩又唔洗攤大手版
當年最低工資是$12, 我開頭係 $12.31, 之後係 $13.69, 之後加到 $14.31 .....
當時好開心架, 有得食有得拎, 一個星期勤力少少番 30個鐘扣埋稅到手有三百幾蚊,
大把錢剩, 只要唔係太誇張地貴, 我想去唱k就唱k, 食飯就食飯, 買iPhone就買iPhone,
根本無咩所謂~_~
雖然番工係遠, 單程都要行半個鐘先番到工, 但係當時我都好開心, 因為可以靠自己既努力儲錢.
就係因為呢份工我買左我自己人生第一部車,
後來我再回想, 我已經不明白當時為何日日走路走到半死,
今天我根本不會行多於十分鐘的路, 停車場要最近的停車位才泊, 寧願等耐少少!
因為我們得到好的, 便不會想走回頭路 - 有車, 便不會再想走路.
但做耐左, 我唔滿足, 我認為我應該得到更好,
我唸, $14.31 一年做足五十二個星期一星期番五日咁辛苦都係得$30,000
聽講大學畢業做銀行係三萬五到三萬八喎.....
於是, 三萬蚊已經取悅唔到我,

因為我想要更多既野, 我想畢業後賺得比 $14.31多.
因為以前的多, 是今日的少. 昨天的少, 在明天是更少, 永遠唔會有休止.

又到10年8月的某一日, 我一怒之下無做Starbucks,
後來只在食穀種食左一排,
10年尾summer打算留響度, 決定搵工做,
但一直都搵唔到, 可能好多工都已經比暑期工既人snapped up -
於是, 靠朋友搵左份收銀, 人工係$13 一個鐘,
只番星期六日, 埋單都有百幾蚊, 叫做夠交租呀....
無咩錢既時候簡直係一個清泉....潤澤著我窮困的日子.......
但慢慢又覺得唔夠, 因為又係想搵更好,
又有其中一個原因, 就係我覺得好悶, 日日入袋收錢, 好撚悶.....
於是我滿足了一時銀包的乾涸之後, 我又再次唔滿足, 因為我覺得我自己deserve更多.......
所以, 又無做啦.....

之後有一排Focus on final semester in uni,
差唔多做完之際, 又周圍搵工,
唔知係我唔好彩, 定係我相關經驗唔夠, 定係我份CV唔好睇, 定係真係經濟咁差,
Send左好多份CV, 唔係無回音, 就係有更好人選.
果一刻明知自己已經快畢業, 好難再靠屋企人比錢供養我在這邊漫無止境的等待工作機會,


心開始急, 所以亂西咁搵, 咁岩又係有朋友介紹,
入左一間電話公司的分銷商度做,
呢間野既特點係, 中國人做老闆 -
要"實習"一兩個月, 睇下係唔係岩用既人, ETCETC.
總之, 一句講哂, 底薪係零蚊 -
但當時基於我係在垂死邊緣 - 一於"括"出去, 無底薪齋靠commission 都殺啦.
因為人在這時候, 都已經無得輸, nothing to lose.....
每天付出少少時間, 咪當做試下.....
打左一兩個星期, 佢覺得我ok, 可以試下做sales -
於是我都好賣左咁做, 因為會有commission分呀.....
一百蚊同埋零蚊, 當時對我黎講係好大分別呀.......

就係因為呢份工, 我就搵到我之後的工作啦 -
我唸番起, 番左電話公司的三個月,
8 月分了 $42.4
9 月分了 $473.91
10月分了 $293.42
加埋係幾多呢? $809.73
一星期番三十個鐘, 番左十三個星期.......
扣埋自己出車出油費, 擺明係蝕本生意帶錢打工.
但我又好慶幸呢份工帶到比我另一個機會.....

有一天我的一個客人因為我多口問的一句, 問我有無性趣去佢地度番工.
package係咁 $18,000 + commission + 車 + 油
由零蚊變成萬幾蚊, 由自己比油錢變成公司比, 由舊車換新車,
當時我唸都唔洗唸, 當然係lur飯應啦 !!
做了幾個月, 感覺上好快上軌道, 而且好快有人工加, 我認為是我運氣好吧.....
計番條數其實已經超額完成, 一個岩岩大學畢業0既0靚仔,
做左幾個月人工比我當初想做銀行剛入職還要好,
我是開心的, 因為由零開始, 行到呢一個位置, 已經係好大步......

雖然人工是不錯, 我又不是很會花錢的人, 是可以過著不錯的生活,
但慢慢, 漸漸....又是覺得不足.....因為見到別的地方人工更高喎.....
the grass is always greener on the other side
上網見到呢份工package好啲喎, 機會又好似好好多喎.....
於是, 又膽粗粗去見工, 咁好彩佢又請左我.....
人工係加左好多, 但係要承受的壓力當然更多啦....
試想如果一萬蚊同四萬蚊人工做既野如果係一樣, 咁點解唔請四個一萬蚊既人呢?
但係當然想試下做人工更高既地方啦......

於是, 我們便在無止境的追求更好, 更多, 更多, 更多.......
萬一我呢一份工我真係搵到$70,000, 好快, 我又唔會滿足於呢七萬蚊.....
我又會去尋求更多......

就算你問長x和x主席, 佢幾千億身家, 點解都仲要起埋哂啲咁既樓?
因為more is still never enough.....

以前我們只要求有部手提電話, 後來我們要鈴聲可以自己入歌, 我地又要電話響時有七色在閃, 我地又要有彩茫, 又要有影相功能, 又要有上網, 又要有飛卜, 又要有GPS又要有個Siri陪我地傾計.....
要求總會是越來越多, 因為我們已不會滿足於現有的東西了......



咁到底, 足夠的定義是什麼? 是否有一個新benchmark 舊的"足夠"已經不成立?
哪一天, 我們才會覺得足夠是足夠而不會再ask for more?