2017年5月21日 星期日

It happens for a reason

HIHI 又係我呀
好....


其實都仲係會不斷來來回回,
唸.....點解點解點解係我
我做我唔好, 點解你唔早講.
其實亦都會慢慢明白, 一早講左, 或者我都做唔到D咩.
因為果刻我都覺得冇問題, 覺得好好, 直到
真係出左問題, 又或者失去左喇, 人先至會識得珍惜,
又或者深思番自己。

或者咁講, 換著係四年前既我,
我開頭都會, 之後就不停唸,
咁都係佢自己話分手, 佢飛我, 即係佢錯啦.

人大左, 好多時真係會自省, 唸下自己到底有咩不足。
原來我平時太就佢喇, 令到我自己都冇左自己, 又或者佢同我講好開心, 我就真係以為佢要既係呢啲.
但係, 我又冇同佢講 - 其實我想要啲咩。
亦令到果種感覺慢慢淡左, 所以
其實佢有責任, 我都有。

相戀係一齊既, 其實兩方都有責任。
一方想分手, 另一方唔想, 好似係提出果個唔岩。
但係, 其實兩個人, 鐘唔鐘意才是最重要吧。

有時唸番
其實好多野
發生得黎
都唔係冇原因
就好似當年我失戀走番黎一樣
如果我唔番黎可能我到今日先失戀, 我又未必有勇氣番黎做野
又或者 我識唔到我覺得係最好既佢
咁所有野除左係整定, 其實都有個原因既
未唸到既, 係因為發生左冇幾耐, 你未必咁快搵到係咩原因.
但當時間拉長, 你又會慢慢明白當初點解係要咁樣發生。

我覺得大家既然大家當初都打算係買樓, 即係基本上都係等於想結婚架喇。
宜家分開, 我感覺好似比人悔婚咁。
點解要嚴重到要比人悔婚呢?
咁如果唔係咁, 可能我真係唔會好好咁反省自己既問題呢。

人如果唔狠狠咁跌一次, 又點會知道痛,
唔痛點知唔應該再比自己跌?
咁就係行得好啲啦..
吸取教訓囉,
如果我係再等5年後再發生, 到時咪仲遲??
點解要係我29歲既時候發生?
一定係要舖我將來幾十年, 要令我變一個更好既人。


呢排時間多左, 多左時間唸自己到底想做乜。
又或者唸番其實我可以同佢做乜, 好多野我話過同佢做, 我懶, 我冇同佢做。
我想快點省錢, 一起快點上樓, 我冇同佢講;
我想快點再升職, 所以我成日做野做到好夜, 但我都冇同佢講。
咁其實我都真係唔係一個夠稱職既男朋友。

既然係咁, 其實我真係冇乜原因可以去嬲佢
嬲佢乜? 因為自己都有唔岩丫嘛。

不如向前行啦, 將來既野冇人知。
但呢刻, 唔好再望住部車點解撞左,
向前行啦, 搵番條巴士線出黎啦, 遲啲總會睇到係因為乜原因而撞架喇...
或者撞車就係為左要比部新車你呢??

2017年4月25日 星期二

上星期我的哭哭哭播放清單排名 🙄

哭哭哭之playlist

上星期因為要長期哭哭哭,唉⋯⋯
整左個playlist,
廣東歌歌詞真係博大精深,呢樣野真係冇得deny。
失戀時好似聽每一首都有同感。
真係好多謝廣東歌 令情緒得到抒發⋯⋯


1。雙雙 Gin Lee - 28次
「生生世世又是誰 揮都揮之不去 
始終有你棲息於心裡」

2。紙牌屋 李克勤 - 26次
從前你倆為甚麼執手起誓
難捱的關口請你記住原委 努力保衛
同林鳥要是害怕半路墜毀
不只要分享所有美麗 愛美在一起賭上一切
難道回望這半生修到 默契 忍心作廢」

3。今天終於一人回家 Gin Lee - 26次
「今天終於一人回家 今天終於堅強回家
不需要他 可以嗎 可以的 一個於路上才明白」

4。雙子情歌 容祖兒羅力威 - 21次
「虔誠地多心  人們為何叫花心
聽新聞聽出義憤  同時和諧的接吻」

5。懸崖花 林欣彤 - 14次
無緣栽種出花 泥濘不失優雅
我共你已夭折嫩芽 換了盆又開花

6。囍貼街 謝安琪 - 12次
「忘掉有過的家 小餐枱沙發雪櫃及兩份紅茶
溫馨的光境不過借出到期拿回嗎」

7。紅棉路上 梁詠琪 - 11次
「誰人與你見證花開幾轉
誰人與你到老所有結局難預算
誰人與你到死終生取暖」

8。無人知道雙子座 容祖兒 - 11次
「誰知雙子的心 也盼望能被當真
講句笑就算 偽裝很不上心
但半夜還是很在意 錯過那戲份」
😪其實呢首歌我舊年在意大利成日播,但我好後悔冇好好留意Wyman的詞,對不起。

9。戀愛為何物 李克勤 - 11次
「煙圈滿房間 迫一對囚犯
偷偷的慨嘆 盲點很顯眼
任美麗遞減 醜態在彌漫
偏偏合照 證實那段歡樂時間」
10。圓 Aga - 10次
「誰走 走 走 走出了樂園
誰痛 痛 痛 痛恨裡復元
即使距離還太遠 我信緣份安於身邊」
11。Better me 薛凱琪 - 9次
「甚麼距離都不算是真的分離
想念和默契能代替一切言語」

12。一 Aga - 8次
「誠誠懇懇祈求天主知道 期望會成就相戀的雙數
遇見的 往往以為找到 又化作撲朔的煙霧

13。地平線 官恩娜 - 6次
「走 相信天與地
總有地方秘密連著線
走 總有一個點
可結合只不過」

14。流淚行勝利道 許志安 - 6次
流淚時要自傲 別再為瞬間的愛情跌倒
寧願叫蒼生有明早」

15。披星載月 張敬軒 - 6次
「你送贈的非積蓄買得到
你遠去目光非廣闊眼光可望到
將志願托高 高到奉獻沒有問回報
忘掉沒私心去披星再載月積雪為誰掃」

16。好好過 連詩雅 - 5次
還要生活 別再三失眠
難為善良好友憂心每天通宵的致電」

17。有人共嗚 林奕匡 - 5次
「但願寫首簡樸情歌
能平伏小誤會 小風波打~破
相信是 這種天真想法能說服你
人海裡即使美滿團圓未算多」

18。償還 王菲 - 4次
「從未將你的貼相 從右翻至左欣賞
從未躺進髮上 貼身搔癢 怎會當尋常
從未聽你的拇指 撩動花瓣的聲響
從未真正放手 所以以為 擁抱會漫長」

19。四季 陳奕迅 - 4次
我記起那年春天 得我一個不知的欺騙
如天空的污染 終於都上演」

20。小愛 吳雨霏 - 4次
世界事我沒有關心 唯獨你可親
只要 你給我 最深的吻
世界早已沒新聞 唯獨聽你聲音
已實在榮幸 隨人類遺棄 對你仍然熱心
只需要沒頭沒腦地信緣份
無憾無悔 行人如何望我別要緊
至少親近你壓迫感 大過戰爭」

2017年4月24日 星期一

若未忘未棄 就拾回原稿

hihi!!
You know what brought me back here?
A place that I have abandoned for 3 years?

自從做左ZF之後好似都冇打過呢啲野了,
打既最多係Test drive啦 (自己懶係pro果啲)
其實好似15年頭又有一排唔係好開心都又開左個blog打左一排
(呀好似叫乜鬼pieces of me....)
又冇再理啦, 咁我不嬲都係咁神神化化突然三分鐘熱度就收皮架喇。
好彩當年睇我Blog係冇乜fans唔係等幾年先出到兩篇野
仲耐過謝安琪出隻碟!

同埋呀其實我係真係鐘意Blog多過facebook好多
因為fb唔係曬命就係你睇我我睇你。
但好似冇乜真係可以了解內心世界。

好 咁what brought me back le
咁最近唔係咁開心, 會有好多思緒爆發, 咁多野出唔好哂左佢嘛。

好打野之前我睇番啲幾年前自己打果啲文章。
其實有時都係好相似, 又或者咁講, 我自己睇番以前自己打既野又會Inspire番自己
hey that was how I went through sadness and sorrows
唔好忘記你自己到底係一個點既人, 或者我唔係一個完美既人,
但我總有啲Qualities係人冇我有, I shouldn't be shy to admit.
所以呢...點解今日突然又想打番Blog就係想去Inspire番將來既自己
(希望唔駛再有咁既一日啦吓, 但同時我都希望有一日你地唔開心睇完都會開心左又或者你睇呢啲垃圾既幾分鐘你會冇咁唔開心)


今日上完一個公司安排既Course, 唔係啲咩product training,
(product training 似乎有L排都唔會有喇....今年賣車少成咁。
BTW 當年啲MT牌8個月換MU, MU用左一年轉MW, MW 2016年1月到宜家先出到MW9........)

實質係啲Behavioral 的course.
其實我覺得都係講溝通, 同埋做人既aspirations,
我又唸番起, 好多時候當行緊, 行得太快, 大家都好似去趕路咁,
根本冇時間停低去溝溝通, 唸吓到底應該點做。
又或者係, 可以講, 忘了感動。
好多野係真係要去吸收經驗, 識講既係, 如果點點點或者就點點點。
其實呢, 呢個世界真係未必有好多野可以比你打機喧"RETRY", 好多時候Game Over盲Over架啦
你真係要好好把握現在
唔好成日唸第日有機會補尻 fucking do it right now!
Hey I'm only human! I'm not perfect!!
希望有一天, 我可以補回做得不好的地方。

Anyway, 或者呢個course出現得太遲, 如果佢可以早少少出現或者會好好多。
fuck you。

好咁我今日又做左咩呢, 我又唸吓到底有咩可以做呢?
出面又落雨, 都唔想去跑步, 不如搵啲野搞吓。
練吓字先, 都唔知幾多年冇寫過英文字
(雖然小第曾經三獲英文書法比賽冠軍架, 但其實又好似冇咩用)
真係令心內沒那麼複雜 簡單了 人的心胸又真的放開了點
Image result for mother teresa do it anyway
只要你相信呢樣野係應該做, 就去做啦。
你既in-built quality, 無論你試幾多次都失敗, 你依然會係咁做, 而你信既野會直接影響到你既行為, 係冇人改變到你架, thats why i always say "Believe in yourself and your charm will shine"



同埋, 有好多野原來在不知不覺間, 唔記得左。
我地會搵好多借口, 我好忙, 我好累, 我有其他野做,而冇去做。
又或者, 有啲令自己開心既野都唔記我左去做。
又同時, 忽視左好多身邊既野, 好多野變左taken for granted.
如果唔係咁, 咁又或者唔會點點點, 咁以前真係唔知有呢個問題丫嘛。
自責又有咩用, 經驗呢啲野唔係與生俱來嘛。
有機會的話, 一定要再做好啲。

或者生活忙碌中, 我都真係唔記得左。
The intern, 那一天我們會飛, amazing race, enjoy a home made cocktail, go to tst roof top bar都未完成。
遺憾的事, 一生有限, 唔好成日覺得以後總會有機會。

------------------
好, 今日趁我 "若未忘未棄 就拾回原稿"

擺番我舊年2016年最鐘意既歌 - 謝安琪 - 山林道 ((2015年最愛果首可能以後都唔會播了...😞))
(呢首歌舊年一個獎都冇真係O撚哂嘴, 雖然都知啲獎係廢....但都係0者......)
千奇,千奇,千奇, 唔好唔記得最初自己想要既野係咩
行得耐左會為左行而行, 唔開心時總會迷失, 但靜靜地想想,
當作一切回歸當初~~唸番自己到底想點...





---------------------------------------------

睇我既文字, 未必係一定治癒到random來睇野既你,
或者我自己都唔係真係好開心,
但又或者都係唔開心既你,
睇到一個都唔係好開心既人,
又或者你都會有啲共鳴。
又或者你睇果陣會開心左,之後又唔開心番。
又或者你本來好開心,睇完都係唔開心。
咁我幫唔到你喎, 我只可以盡量令睇呢個Blog既人得到至少一份欣慰,
又或者, 你明白世界上唔開心既唔止得你一個,
又同時, 好多問題我都幫唔到你解決, 但

如果你需要幫忙, 你需要人傾, 你可以留吓言架。
又或者你地都有野想發表吓, 歡迎喎。。。。

又或者, 其實我做既呢一樣野只係好小既野
但如果幫到任何一個人, 都已經helped to make a better world.
世界係有信任, 有相信, 有互相幫助這回事的,
因為我真係見過 😂