2013年2月19日 星期二

人車誌 - 日本2012年Kei Car銷量.....

其實我一直都好鐘意kei car
以最efficient的package去換取最maximum的utilisation
無奈傻西kiwi 國不喜歡小型車仔, 也不喜歡box car.


本田早前揚言會多投放資源在發展新一代N-Series mini car,
11年12月的Nbox,
12年10月的N-One,
2013年仲有第三和第四炮.
務求在日本需求日益增多的K-Car市場成為top 3 之一
(現時top2 是K 是大發和鈴木)
據說N-series更有可能出口到其他市場

日本熱賣一係慳油車仔, 一係柒人車, 一係就係Kei car
Fit算是賣得不錯
新款Stepwgn 回響一般,
Stream 和 Odyssey熱潮減退
Elysion 更加一直未成氣候
Civic, Accord, Inspire (美版Accord) 在日本根本已是夕陽,
Sorry, Civic, Inspire 已經在日本收皮. 不是夕陽是天黑.

近年本田都有很多嘗試, Insight, CRZ,
Insight更是當年第一部hybrid車成為銷量冠軍, 但只是"彈"花一現,
poorly built & 唔match customer expectations 最後比人打到落花流水.


N-Box是最近最幾有心思幾有遠見(當然技術未必是)的本田汽車
首年銷量的確是近年本田的奇葩

只是頭幾個月貨源不足, 否則應會是2012年Number 1.
N-One賣了兩個月, 似乎不會是N-Box的成績但也不賴.
如本田真的能在年內推出N-series的其他型號
2015年kei car top 3可能可以提早達標.

Wagon R 曾是連續9年 (2003-2011) 冠軍
紀錄就是這樣的, 看到有人keep住, 無幾耐又或者好耐之後, 總有人會破掉的...
就正如當年的Corolla 32年神話, 現在說起來已經很yesterday了.




PosModel2012/112011Pos
1Daihatsu Mira218,29582%120,0144
2Honda NBOX211,1557284%2,86031
3Suzuki Wagon R195,70122%160,4391
4Daihatsu Tanto170,60932%129,1183
5Daihatsu Move146,0161%145,2012
6Suzuki Alto112,00235%83,1005
7Nissan Moco66,4608%61,7667
8Suzuki Palette60,13610%54,8258
9Nissan Roox48,810-2%49,5489
10Honda Life43,935-35%67,5746
11Suzuki MR Wagon38,10733%28,72311
12Toyota Pixis Space32,284450%5,86624
13Mitsubishi eK27,809-13%31,89010
14Subaru Stella21,821-11%24,39412
15Suzuki Every Wagon21,3787%20,28214
16Mazda AZ Wagon21,363-1%21,67513
17Honda N ONE18,001new0 -
18Suzuki Jimny14,73314%12,95717
19Mazda Carol10,4634%10,08019
20Daihatsu Atrai10,017-12%11,37718
21Mitsubishi Pajero Mini8,3541%8,29721
22Honda Vamos7,819-21%9,93920
23Honda Zest7,738-57%18,10415
24Nissan Otti7,279-9%7,97423
25Subaru Lucra6,60050%4,40525

2013年2月18日 星期一

一歌推介003 - 何韻詩 [ 拋磚引玉 ]

是這樣的 - 今朝一起身有Skype好聲音
其實點解我咁miss asian country 嘅生活呢?
未必我真係貪玩, 未必真係鐘意個lifestyle
但我要搵朋友出黎吹水傾sums係易到乜咁.....
黎到呢邊搵個decent傾到計既人咁難, 約本身的朋友都要約定個時間(因為有時差)
rather than, 好悶呀, 陪我吹吹水啦....出黎飲野.....
唉....

講番skype好聲音 - 今次同Mandy傾.
又講開工作, 都係同一個story, 大家都係on the same page
thats why 我次次同佢傾大家都有共嗚,
都係自己有少少性趣既工作, 人工又唔叫得差, 但又多pressure又要work overtime
又係老闆麻撚煩.....雞肋也, 食之無味棄之可惜.....

我地都係話"去旅行" 又或者"working holiday" 是最好的逃避方法

一)
佢不嬲都想黎nz玩, 我話不如咁
你黎玩一個月, 你走戈時我陪你番去, 我又放個長假期
佢問我, 要攞幾耐假呀? 我話, 一個月.
佢話, 邊攞到咁耐假呀?

二)
我地話不如去一個國家working holiday啦,
又係一個逃避現實既好方法...
去邊好呢? 澳洲加拿大定係日本呢?
但講到底, working holiday 搵得幾多錢? 大部份都係min pay既工作

其實呢兩樣野都係好emotional既野
一開始講reality就變左好醜惡
亦都會令你唔想做呢個決定
無辦法, 有時有穩定既生活真係好難去作出一個任性, 不理性的決定
但我們又是否做每一樣野都是需要rational, 需要每個moment都清醒呢?

講白啲係, 我們很難有足夠的勇氣去跳出本來的框框
人大了更加覺得這一點.
得到越多的便越怕失去所有的.
但又想想, 其實我們也只是在一個過度期, 我們在出生時和老死時也會是一無所有.
生命中又有哪裡東西是必需擁有的呢?
有些人連生存的機會也沒有 - 我們又每天在掙扎些什麼"重要"的事情呢?



傾完呢個電話, 不停在想, 想起了一首歌
2011年何韻詩收錄在Awakening 大碟的舞台劇主題曲 [ 拋磚引玉 ]
(話時話都不知會否係佢最後一隻廣東大碟.....@@聽說只賣了3,000張.....)
由hocc自己執筆作曲, 曲詞編都是她勵己勵人的.
呢隻碟無認真聽哂, 只聽左主打的幾首......
sorry近年真係對佢提不起大性趣, 感覺高潮已過.....


歌詞講既道理很簡單 -
有得便有失, 就算係一個負面既事情, 其實我們也會學到很好的道理
有時唔捨得捨棄, 不去送舊又如何迎新?
沒有今天的失敗經驗又何來將來的成功?
我們又何必咁多加鎖, 倒不如隨心而行?
放開左舊有的顧慮, 才可以開始新的一段旅程.


道理其實真係好簡單, 但做唔做到又係另一件事......
我又唔係好明點解呢個故事係叫 "拋磚引玉" 而唔係 "賽翁失馬" 呢?
當然你話因為我中文唔好所以唔識解.......咁我都無得駁你嘅.....哈哈



何韻詩 - 拋磚引玉
曲:HOCC@goomusic
詞:黃偉文
編:何秉舜@goomusic / 盧凱彤@人山人海
監:何秉舜@goomusic / hocc@goomusic





慶幸錢財散了
最壞時才知曉
窮極仍會說笑
慶幸情人去了
領悟原來不少
情感和智力 漸對焦

有失便有得 其實早聽過了
你遭遇太好 也許 遺忘了

失去後便富有
它會成全日後 早點看透
無所求 更自由 更自由
失去就是富有
揮去浮雲以後
才望見 還是有這雙手


美麗隨時會了
你別沉吟花凋
成果在香消後揭曉
你想入化境 疑問怎麼購票
要失掉某些 完了 才開竅

失去後便富有
它會成全日後 早點看透
無所求 更自由 更自由 棄地球 有月球
失去就是富有
揮去浮雲以後
還是有 大溫柔 由心擁有
失去後便富有
蛹變成蝴蝶後
拋低既有 全不留
更自由 更自由

失去就是富有
翡翠成形以後
回望去 頑石破開了沒有

2013年2月17日 星期日

一歌推介002 - 王菀之 [ 粒糖有毒 ]

不得不承認, 王菀之的好歌真係好多
買碟番黎會稍聽一次, 電台播緊既當然優先.
一兩首自己覺得好好聽的再慢慢煲
但往往煲一首歌要用上兩三個月, 一隻碟煲得幾首就已經又有新歌煲.
有新碟之後舊碟好多都未煲出味
很多歌都走漏眼, 沒有認真去聽.

今日講的是09年On Wings Of Time的 "粒糖有毒"
講開又講我真係覺得王菀之呢隻碟真係代表作
編曲, 題材, 唱腔絕對配合上主題
連兩首粵語版改編成的國語版都毫不突兀
(很多香港歌手喜歡加一兩首夾硬到核突的國語版去溴夠數)
聽說這唱片是她所有唱片銷量最差的
又一叫好不叫座之作,

anyway講番粒糖有毒 - 
簡單的一個道理, 你老母都教過你 - 
"做人唔好只睇表面, 金玉其外, 敗絮其中" 呀
扮得意扮可憐.........其實呢個人先最毒呀

但人始終都係喜歡糖衣包裝加嘛






歌名: 粒糖有毒 
歌手: 王菀之 
作曲: 王菀之 
填詞: 王菀之 
編曲: 馮翰銘 
監製: 馮翰銘




口中的一粒糖一咬有毒 發惡夢 
玻璃杯中的酒怎看也濁 太過俗 
有可人兒裝可憐露出嚇人尾巴 

一出街手牽手搶鏡壓軸 你最熟 
畫面中瀟灑增金句到肉 再放毒 
有可人兒裝可憐露出殺人狂功架 

任你自尊變賣 任你良心變壞 
拿著是非的所有人宣佈假票任你拉 
為戴到金腰帶 連朋友都要賣 
人情換高帽當世人知道堡壘便瓦解 

do do do do 
口中的一粒糖一咬有毒 發惡夢 

任你自尊變賣 任你良心變壞 
拿著是非給所有人宣佈假票任你拉 
為戴到金腰帶 連朋友都要賣 
人情換高帽當世人知道堡壘便瓦解 
別要甚麼也賴 別信淚水最大 
藥引被吹熄竟繼續攻擊真相任你擺 
其實甚麼最賣 其實上天最大 
回望自己的一塊田給蛀爛你別費解 
在華麗水晶燈背後只有一聲聲拜拜




2013年2月15日 星期五

一歌推介001 - 王菀之 [ 滿天星 ]

前幾日番屋企, 無聊去屋企對面個公園行左陣.
夜晚因為無咩燈, 成個天都係星.

我又唸起我曾經響流星下許過既一個願

我記得當時我們是在車上等朋友, 無意中在天窗看看天窗.
突然看到流星閃過, 對望了一下, 馬上許願
在我身旁的那個人也是許了同樣的願望
這個願望真係算實現左, 但當過左個激情,
事過境遷其實大家都發現, 其實當初個願望太傻.
不如話"希望發達"大家都用得著啦.
算啦, 浪漫係咁既.
呢次都算係我第一次見到流星

話說回來, 見到滿天星, 令我想起王菀之一首六年幾前的舊作 - 滿天星
佢好歌實在太多, 連派台的作品都流行不起來, 有幾多人識佢既side tracks呢?
呢首勁在Ivana自作自填自唱, 故事很完整
編曲略平淡但聲線十分合適唱這首歌, 很舒服.

有一天女孩在星空下祈求有個愛人
天聽到了, 令她得嘗所願.
她很感激, 也很珍惜.
在跟愛人拖著手在地上看著星星是多浪漫的事
最後雖然我們不能再一起了, 我依然愛你,
我亦會為你祈禱, 希望你能開心.
最後個ending我唔係好明 - 即係雖然結束左但個故事在夢裡continue?
我係咁樣理解到....





滿天星

作曲:王菀之
填詞:王菀之
編曲:伍仲衡
監製:伍仲衡

浪漫長夜星河 記下了詩人留住片刻點點愛火
望著其實已不錯 美麗會痛楚
情漩動完美的心窩
不停地為愛禱告 原來上帝聽到並賜你給我
戀情終於得到麼 仍感激接近過

能今生得到這段情 曾受過傷的心會醒
相愛於咫尺勝甜言蜜語別要我清醒
明知手拖不到盡頭 仍願意感受試過擁有
滿天星作證 這一對逆境中溫馨

福積過幾多 有你愛着我
感動源自耳邊輕輕唱歌
越動人越怕出錯 顧慮有太多
連童話也忍心敲破
依然為你去禱告 期望上帝聽到讓你我好過
戀情花開不結果 留於天國盛放

你說再見又怎捨得放手 心靈難自由
多傷心仍願放開你 用眼淚平復你傷口

能今生得到這段情 曾受過傷的心會醒
相愛於咫尺勝甜言蜜語別要我清醒
明知手拖不到盡頭 甜蜜痛苦畫滿星宿
滿天星作證 這一對夢裡可盡情

2013年2月2日 星期六

我最喜愛容祖兒的Side track

平均一年出兩隻碟, 勿理容祖兒近年的歌是否引比不上以前,
她的好歌始終太多, 在演唱會上連最Hit的plugged songs 也未必一定唱到,
更不要講一些side tracks.
的確有時她唱片入面沒有版重點推介的歌反而更好聽,
以下是幾首最喜愛的. 不知你們的選擇又是什麼呢?
 
 
容祖兒 [心甘命抵] - 收錄於03年9月Show Up大碟
zzzzzzz....睇番歌詞其實原來都係
"我咁為你, 我為你做咁多野, 我咁鐘意你, 點解你要咁樣對我呢? 係唔係我欠左你? 點解你要變心呢?....." 但好聽喎.
當時唱功無宜家咁好, 但仲好有少女味.....
話時話好想食包出前一丁通心寶 :P
 
 
 
容祖兒 [候鳥樹] - 收錄於04年4月[Nin9 2 5ive] 大碟
在youtube上連原裝MP3都無, 得Concert版.....呢首歌比我想像中的side track還要side track.
我覺得這首歌永遠都是我的寫照, 或者應該係話好多人的寫照. 就趁講呢首歌順便講講/
我們在生命中遇上很多人, 很多都是過客 - 有著不同的"崗位" -
在Clubbing時候識到的一兩個"朋友"是那個moment我們需要人陪跳,
在朋友堆聚會識到的"朋友"可能是那個moment需要的"鄧腳"
在失戀時我們可能會遇到一個"會對我好, 會去了解我"的人, 但過後我們根本不需要"他/她"
我們有時候會一箱情願以為他們都是自己這個階段需要的"人", 但又無唸過別人是否需要我們這樣的人呢? 我們願意去為"對方"付出, 但這又是否人家想要的東西呢?
 
妖, 講完都唔知自己想講咩, 講番首歌.
岩岩初戀, 搵一個"有感覺, 喜歡"的對象, 自覺是找對了, 咩都唔洗講戀愛大過天.
當時需要的是"感覺"
後來畢業了, 見了不同的世界, 事業行先, 愛情上面也要求刺激, 想要試不同的人.
當初的你, 已不是現今我想要的.
直至遇上難關, 才發現身邊好像有好多的朋友伴侶都離開, 還是有那個"你"陪我度過難關.
或者在這時候遇見你是上天的一種安排
 
直到有一日, 我們需要的只是找一個終身可以相互照顧的人,
很自然的我們都在一起了, 因為怕"寂寞地獨個終老"
 
一切都係timing問題囉.....講完
 
容祖兒 [煙霞] - 收錄於04年10月Give Love A Break大碟
應該又是一首side track經典, 係粉絲都識唱,
煙覆是很美麗的東西, 因為很多事實會被蒙蔽.
大家都各有個"他/她", 我知道明明是不對
但這種疑幻疑真的關係又確實很吸引.....
糾結與理性愛恨交纏........
又話時話好鐘意聽容祖兒d "噴氣腔" - "難怪我越來越, 遺忘自尊"........
 
 
 
容祖兒/李克勤  [刻不容緩] - 收錄於05年3月[喜歡祖兒3]
這首歌其實不算沒有派台, 只是成績不好, 可能係宣傳不足, 留意的人比較少.
我覺得這首歌應該得到更多audience的.
又是一個簡單的故事 - "It's all about Timing"
女既不停暗示, 男既都係出於自己怕醜, 內弱唔敢講...
明明大家都有感覺, 對的人對的感覺對的時間,
只是因為大家都怕講出來, 驚影響左個朋友關係, 又或者驚人地唔鐘意佢, 細膽....
而最後錯失了最好的時機,
講起都心痛~~~~~
我成日又唸, 雖然一齊左都唔代表咩, 唔代表大家一齊左之後會Work out fine,
但無得試即係睇結果既機會都無.
 
話時話呢首歌有段古,
話說好多人都會借呢首歌在k場"表白"
有次randomly有人唱k我又跟去玩咁啦,
有個男仔叫呀Ben (爆名都無所謂啦都已經無contact)點名必定要個女仔同佢唱因為佢想激另一個女仔, 於是激到啦............同佢合唱戈個女仔以為呀ben意有所指...........係佢,,,,啋..!錯哂

 
容祖兒 [還未] - 收錄於05年8月"Bi-heart"大碟
 這是我最後一隻買容祖兒的大碟, 封面是容祖兒出碟以黎最好,
但金玉其外 - 個人意見啦......
難得的是這首遺珠
非常固執又簡單的一個故事 - you were meant for me.
雖然你宜家唔鐘意我, 你唔留意我, 你唔比機會我, 但我都會等...
哪怕是等十年, 等廿年, 等三十年, 又或者今世等唔到我都要等到下世.
歌詞加入"要是黃河未到我又如何捨得心死", "年華易過歲月如飛" 配合埋有點中國風的編曲, 好聽呀.
生命中我們都會遇到"我一定要同你一齊"的固執,
被拒絕後例牌講句 ~ "我會等你.......幾耐都等."
過左三個月, 唉唔好話三個月啦, 六個月, 你咪又係會唔記得.
現代人邊會有呢份執著, "我要等你一輩子."
拍戲咩?
當然我不是在discourage這件事, 但以今時今日的我真係唔多相信會有囉....
 
 
 
 
到此為止.....又要去番工嚕~
 

2013年2月1日 星期五

我最喜愛的容祖兒

已不知講左幾多次,
我真係好鐘意聽廣東歌 - 語言簡單直接聽得明, 題材夠多, easily accessable
四分鐘內唱的幾百字歌詞入面已經可以表達到一個好圓整的愛情故事,
愛情故事也不簡單, 可以借一條利東街講一個失婚的故事, 可能性太多.
我不是不喜歡英文歌, 但因為我聽歌好聽歌詞, 從故事裡代入又或者作出思考.
舉個例我聽Taylor Swift 的 "We are never getting back together"
(利申: 我好欣賞佢, 曲風好清新, 聽完好舒服, 雖然我都係唔會買碟)
聽完只係記得呢句 -
"我們....永遠永遠永遠永遠永遠不會再回到一起"
咁我又問番自己, 我聽左咩呢....

以前很喜歡聽容祖兒, 聲靚, 隻隻碟都一出即買,
小五小六已經覺得呢個"都係十幾歲既姐姐"唱得好好聽 -  當年佢都未夠廿歲
雖然唔靚, 但係個樣有種"吸引力" - 我都唔知點形容,
我第一個"留意"的流行曲歌手應該是容祖兒了
有觀眾緣, 揀歌揀岩路, 肯落本去谷, 佢條路其實算好好行
她的故事恍惚是一個 "年青人努力發奮上進成功的故事"
是一個年青人"努力做自己鐘意做的事"的向上前進好榜樣 -
"容祖兒生得咁唔靚, 但唱得歌所以就姐左" 恍惚是個充電器為年輕人打氣打氣
當年的side track很多時候都要比plugged的歌曲好聽,
成就了多首無正式派台無力谷的作品都街知巷聞, 至少你去唱k個個都會識唱
"何以我變了你的十六號愛人"又或者"仍然剩下病假有幾晚"
要揀番十首"我最喜愛容祖兒的side track"也不容易呢!
到左05年前後就已經好一般; 唱的無問題但都如大家所說, 成了唱歌機器;
密集的出碟變成流水作業, 當中不乏好聽的精品但性趣已大大減退.
06 年左右的 Ten most wanted 和 Close up 銳意求變其實也不賴,
再後期密集的"百老匯"主題曲 - 不要搞錯我是指的是電器廣告歌,
為了出廣告夾硬收隻歌落大碟度, 同主題完全不相關, 有欠工整 -
thats why 容祖兒會是一個"最受歡迎女歌手"又或"派歌最勤力女歌手"
但好難會拎到"最佳唱片", 不是唱的問題, 只是唱片太過於"多元化"完全配合唔到主題,
像是為了濫竽充數似的.
所以之後的Glow呀, 喜歡祖兒4呀, 已經提不起我的性趣.
眾所周知我電腦入面以前咩容祖兒既歌都有。
唔係講笑, 近年連免費download的我也不想要.
去年一連串膠歌如"我要玩"和"出色"和配合強國慢香港幾年的快歌"加大力度"簡直令我這種曾經的fans夢碎 - 你到底做緊咩呀?
近年我覺得最"正" 令到我有想J (想聽Joey)的衝動要講到方大同手筆的"牆紙",
同碟的"花千樹"其實個idea好好, 雖然已係家傳戶曉, 講過三百幾次的主題, "到底應該不停尋找更好定係不停去尋覓更好?" 聽到覺得幾好, 但聽多兩次就覺得, - "咪又係咁"
已好難感動到囉.

其實人真係好衰, 我支持左佢六年, 無咩留意佢六年.
但係我現今對佢的想法是, 唱到滑哂啞不如休息一排先再出黎唱啦.
一段"關係"的熱情冷卻, 最後只會記得"不好",
@ 公司呃錢, 成日出精選,
@ 隻Glow同喜歡祖兒4明明係一隻碟分開兩隻出呃fans錢
@ 碟唔夠完整, 成日唱膠歌

其實佢公司就等於佢老母, 都唔係第一日知道佢外家貪錢, 以前仲衰啦 - 第一版第二版第三版
又其實, 佢啲碟因為出得急, 都唔係今日先有沙有石, 一直以黎都係咁.
但當初因為鐘意, 因為包容, 所以一兩三首膠歌加兩首特難聽國語版都係可以接受, 最驚你唔出(碟)

而又忘記了當初是如何"艱辛"才能"0係埋一齊"
@ 幾難得先等到出碟, 今個月行路番學都要買碟啦....
@ 幾難得先有得睇一次live, 唔比屋企人知都要去啦....
@ 幾難得先一年有得睇一次容祖兒叱吒live拎獎+表演, 聽日要番學, 都唔可以訓...zzz (當年邊有youtube可以咁易重溫呀?)

亦都唔記得左佢曾經帶比我幾多回憶 -
一段"關係"去到最後只記得不快, 只說"對方變了"
已經不是"以前我喜歡的你"
但"我又何嘗係當年的自己"呢?
包容隨著日子的過去減退, 自己也要求對方去配合自己,
"但當初你唔係因為咁而鐘意我架咩?"
其實唔係, 男仔的通病是, 日子久了就會"除下面具" -
包容了解 - 這是昨天的事啦!

話時話, 我真係好想知到底宜家仲支持容祖兒既人 (即係仲會買碟去演唱會)
到底係當年已經開始支持, 定係中途轉會呢?
如果講買碟的話我真係想不到有什麼理由仲去因為"支持佢"而買碟
有幾多人會因為"聽到佢近年啲歌好正" 而開始支持佢呢?


晏少少post啲容祖兒favourites先.